ခေတ်မီမြို့သစ်တွင် အာရှအားကစားပြိုင်ပွဲကျင်းပနိုင်ရေး ဆော်ဒီ လျှောက်ထား

သြဂုတ် ၄၊ ၂၀၂၂
M-Media

-၂၀၂၉ ခုနှစ်မှာလုပ်မယ့် ဆောင်းရာသီ အာရှအိုလံပစ်ပြိုင်ပွဲကို အိမ်ရှင်အဖြစ် လက်ခံကျင်းပခွင့်ရရေးအတွက် ဆော်ဒီအာရေဗျနိုင်ငံက အာရှ အိုလံပစ်ကောင်စီ (OCA) ထံ လျှောက်ထားလိုက်ပါတယ်။

၂၀၃၀ ဘက်စုံဖွံ့ဖြိုးရေး ရည်မှန်းချက်မှာ ပါ၀င်တဲ့ ခေတ်မီမြို့သစ် နီအွန် (NEOM) မှာ ကျင်းပနိုင်ဖို့ ဆော်ဒီက စီစဥ်နေတာဖြစ်ပါတယ်။

နိုင်ငံအနောက်မြောက်ပိုင်း သဘူးက်ဒေသမှာရှိတဲ့ တောင်ပေါမြို့ နီအွန်ကို ကမ္ဘာလှည့်ခရီးသွား အချက်အခြာနေရာ ဖြစ်လာအောင် ဆော်ဒီက ရည်ရွယ်တည်ဆောက်နေတာပါ။

ဆော်ဒီ အိုလံပစ်ကော်မတီအကြီးအကဲ မင်းသား အဘ်ဒူလ်အဇစ်က ဆော်ဒီရဲ့ ကြွယ်၀တဲ့ သဘာ၀အမွေအနှစ်တွေကို အာရှအိုလံပစ်မိသားစု၀င်တွေထံ မျှ၀ေခံစားစေလိုတဲ့အတွက် ပြိုင်ပွဲကျင်းပဖို့ လျှောက်ထားရခြင်းဖြစ်တယ်လို့ ပြောပါတယ်။

၂၀၂၅ ခုနှစ် အာရှ ဆောင်းရာသီအိုလံပစ်ပြိုင်ပွဲကို တောင်ကိုရီးယားက အိမ်ရှင်အဖြစ် လက်ခံကျင်းပမှာဖြစ်ပြီး၊ ၂၀၂၉ ခုနှစ်အတွက် အိမ်ရှင်ရွေးချယ်မှုကို အာရှအိုလံပစ်ကောင်စီက အခုနှစ် အောက်တိုဘာလအတွင်း ပြုလုပ်မှာ ဖြစ်ပါတယ်။

Ref: Saudi Gazette

(ဓာတ်ပုံ – နီအွန်မြို့ဒီဇိုင်း)