မြန်မာစစ်ကောင်စီကို ရှုတ်ချရင်း ပြီးဆုံးသွားတဲ့ အာဆီယံ အစည်းအ၀ေး

သြဂုတ် ၆၊ ၂၀၂၂
M-Media

-အာဆီယံ သဘောတူညီချက်ကို အကောင်အထည်မဖော်တဲ့ စစ်ကောင်စီကို ‘အလွန်အမင်း စိတ်ပျက်တယ်’ လို့ အာဆီယံ နိုင်ငံခြားရေး၀န်ကြီးများ အစည်းအ၀ေးက ထုတ်ပြန်ပါတယ်။

အခုသီတင်းပတ် အစပိုင်းက စတင်ကျင်းခဲ့တဲ့ ဒီအစည်းအ၀ေးကို စစ်ကောင်စီခန့် နိုင်ငံခြားရေး၀န်ကြီး တက်ရောက်ခွင့် မရပါဘူး။

အစည်းအ၀ေးနောက်ဆုံးနေ့ဖြစ်တဲ့ သောကြာနေ့က ထုတ်ပြန်တဲ့ ကြေငြာချက်မှာ မြန်မာစစ်ကောင်စီက သဘောတူထားတဲ့ အာဆီယံ ဘုံ သဘောတူညီချက် ၅ ရပ်ကို အကောင်အထည် မဖော်တဲ့အတွက် အလွန်အမင်း စိတ်ပျက်တယ်လို့ ဖော်ပြထားပါတယ်။

ဒီသဘောတူညီချက်နဲ့ပတ်သက်ပြီး တိုးတက်မှု ရှိ၊ မရှိကို စောင့်ကြည်မှာဖြစ်ပြီး၊ လာမယ့်နို၀င်ဘာမှာ လုပ်မယ့် အာဆီယံ ထိပ်သီးအစည်းအ၀ေးမှာ နောက်ထပ် ဘာလုပ်ရမလဲဆိုတာ ဆုံးတ်ဖြတ်သွားမယ်လို့လည်း ဆိုပါတယ်။

“မြန်မာနိုင်ငံမှာ လတ်တလော ဖြစ်ပျက်နေတာတွေကို ကျွန်တော်တို့ အသေးစိတ် ဆွေးနွေးခဲ့ပါတယ်။ နိုင်ငံရေး ပြဿနာ တာရှည်နေတာ၊ အတိုက်အခံ တက်ကြွလှုပ်ရှားသူတွေကို ကွပ်မျက်တာတွေအတွက်လည်း စိုးရိမ်မိပါတယ်”

ဘုံသဘောတူညီချက် ၅ ရပ်ကို အကောင်အထည်မဖော်ရင် မြန်မာ့အရေး ကိုင်တွယ်ဖို့အတွက် နောက်တစ်နည်း စဥ်းစားသွားမယ်လို့ အာဆီယံ ဥက္ကဌ ကမ္ဘောဒီးယား၀န်ကြီးချုပ် ဟွန်ဆန်က အစည်းအ၀ေး အဖွင့် မိန့်ခွန်းမှာ ထည့်သွင်းပြောကြားခဲ့ပါတယ်။

Ref: Reuters