သြဂုတ် ၁၉၊ ၂၀၂၂
M-Media
-နိုင်ငံအတွင်းက ဟိန္ဒူဘာသာ၀င်တိုင်းဟာ သူရတဲ့အခွင့်အရေးမျိုး တန်းတူ ရရှိခံစားရမယ်လို့ ဘင်္ဂလားဒေ့ရှ်၀န်ကြီးချုပ် ရှိခ်ဟာဆီနာက ပြောကြားလိုက်ပြီး အားငယ်ဖို့လည်း အားပေးခဲ့ပါတယ်။
ဟိန္ဒူဘာသာ၀င်တွေရဲ့ မနေ့ကကျရောက်တဲ့ Durga Puja ပွဲတော်ကို ရှိခ်ဟာဆီနာဟာ အွန်လိုင်းကနေ ပါ၀င်ပြီး မိန့်ခွန်းပြောကြားခဲ့တာ ဖြစ်ပါတယ်။
“ဘာသာ၀င်တိုင်းအားလုံး တန်းတူအခွင့်အရေးရတာမျိုးပဲ ဖြစ်ရမယ်။ ဟိန္ဒူတွေအားလုံးဟာ ဒီနိုင်ငံရဲ့ နိုင်ငံသူ၊ နိုင်ငံသားတွေဖြစ်တယ်။ ကျွန်မနဲ့ ရှင်တို့အားလုံးရဲ့ အခွင့်အရေးဟာ တန်းတူပါပဲ။ ဘင်္ဂလားဒေ့ရှ်နိုင်ငံသား ဖြစ်တဲ့အတွက် အခြားလူတွေအားလုံနဲ့ တန်းတူအခွင့်အရေး ခံစားခွင့်ရှိတယ်ဆိုတာမျိုး ရှင်တို့ကိုယ်တိုင်လည်း မှတ်ယူထားရပါမယ်”
အိမ်နီးချင်း အိန္ဒိယနိုင်ငံမှာ အာဏာရ ဟိန္ဒူအမျိုးသားရေးပါတီရဲ့ လှုံ့ဆော်မှုကြောင့် အစ္စလာမ်ဘာသာ၀င်တွေအပေါ် ရန်လိုမှု၊ တိုက်ခိုက်မှုတွေ မြင့်တက်လာတာဟာ ဆယ်စုနှစ်တစ်ခုနီးပါ ရှိနေပြီ ဖြစ်ပါတယ်။
အစ္စလာမ်ဘာသာ၀င်အများစုရှိတဲ့ ဘင်္ဂလားဒေ့ရှ်နိုင်ငံမှာ အိန္ဒိယက ဟိန္ဒူအမျိုးရေးအဖွဲ့တွေရဲ့ လုပ်ရပ်ကို ဆန့်ကျင်တဲ့ ဆန္ဒပြမှုတွေ အကြီးအကျယ် ဖြစ်ပေါ်ခဲ့ပါတယ်။
ဟိန္ဒူတွေအနေနဲ့ အားမငယ်ဖို့လည်း ၀န်ကြီးချုပ် ရှိခ်ဟာဆီနာက အားပေး တိုက်တွန်းခဲ့ပါတယ်။
“ကိုယ့်ကိုယ်ကို အားမငယ်နဲ့ စိတ်ဓာတ်မကျနဲ့။ ဒီနိုင်ငံမှာမွေးတဲ့ ရှင်တို့အားလုံးဟာ ဒီနိုင်ငံသားတွေပါပဲ”
မိမိတို့အစိုးရကလည်း နိုင်ငံအတွင်းက ဘယ်ဘာသာတရားကိုမှ အထင်အမြင်သေးမှု မရှိဘူးလို့လည်း ရှိခ်ဟာဆီနာက ထည့်သွင်းပြောဆိုခဲ့ပါတယ်။
Ref: Indian Express