ရင်သပ်ရှုမောစရာဂျူပီတာ

သြဂုတ် ၂၃၊ ၂၀၂၂
M-Media

-ကမ္ဘာတည်ရှိတဲ့ နေအဖွဲ့အစည်းက အကြီးဆုံးဂြိုဟ်ဖြစ်တဲ့ ကြာသာပတေးဂြိုဟ် ဂျူပီတာရဲ့ ရင်သပ်ရှုမောစရာ ဓာတ်ပုံတွေကို အမေရိကန် အာကာသအေဂျင်စီ နာဆာက တနင်္လာနေ့မှာ ထုတ်ပြန်လိုက်ပါတယ်။

ဒီပုံတွေကို လူသားသမိုင်းမှာ အကြီးဆုံးနဲ့ အဆင့်မြင်ဆုံး တယ်လီစကုပ် James Webb နဲ့ ဇူလိုင်လတုန်းက ရိုက်ကူးထားတာပါ။

ဂျူပီတာြဂိုဟ်က ဧရာမ မုန်တိုင်းကြီးတွေ၊ လတွေ၊ ဂြိုဟ်ပတ်လည်မှာ ရှိတဲ့ကွင်း၊ ဂြိုဟ်ရဲ့ မြောက်နဲ့ တောင်၀င်းရိုးစွန်းမှာရှိတဲ့ အလင်းရောင် စတာတွေကို ဒီဓာတ်ပုံမှာ အသေးစိတ် မြင်ရပါတယ်။

“ဂျူပီတာဂြိုဟ်ရဲ့ ဒီလိုပုံမျိုးမြင်ရတာ ဒါပထမဆုံးပါပဲ။ သိပ်ကို ရင်သပ်ရှုမောစရာ ကောင်းပါတယ်။ ရိုးရိုးသားသားပြောရရင် ပုံတွေ ဒီလောက် ကောင်းလိမ့်မယ်လို့ မမျှော်လင့်ထားပါဘူး” လို့ ကယ်လီဖိုးနီးယားတက္ကသိုလ်က နက္ခတ္တဗေဒပညာရှင် အင်မီကီ ဒီ ပါတာကိုက ပြောပါတယ်။

Great Red Spot လို့ အမည်ပေးထားတဲ့ မုန်တိုင်းဆိုရင် ကမ္ဘာကြီးကိုပါ ၀ါးမြိုသွားနိုင်တဲ့အထိ အင်အား ပြင်းထန်ပါတယ်။

ကမ္ဘာတည်ရှိရာ နေအဖွဲ့အစည်းက ၅ လုံးမြောက်ဖြစ်တဲ့ ဂျူပီတာြဂိုဟ်ဟာ ဒြပ်ထု အလွန်ကြီးမားတဲ့ ဂြိုဟ်တစ်ခုဖြစ်ပြီး အခြားဂြိုဟ်တွေအားလုံးပေါင်း ဒြပ်ထုရဲ့ နှစ်ဆခွဲကျော် ရှိပါတယ်။

လပေါင်း ၇၉ လုံးရှိပြီး အပူချိန်က အနှုတ် ၁၀၈ ဒီဂရီဆဲလ်စီးယပ်စ်ရှိပါတယ်။ ဂျူပီတာဂြိုဟ်က တစ်နှစ်ဟာ ရက်ပေါင်း ၄၃၃၃ ရက် ကြာပါတယ်။

Ref: BBC