နှစ် ၅၀ အတွင်း အမျိုးသမီးများပါ၀င်မှု သိသိသာသာ မြင့်တက်လာသည့် ဒူဘိုင်းရဲတပ်ဖွဲ့

သြဂုတ် ၂၄၊ ၂၀၂၂
M-Media

• 

• 

• 

• 

• 

• 

-၁၉၆၀ ခုနှစ်က အမျိုးသမီးတပ်ဖွဲ့၀င် တစ်ဦးသာရှိခဲ့တဲ့ ဒူဘိုင်းရဲတပ်ဖွဲ့ဟာ ယနေ့အချိန်မှာတော့ ဌာနတိုင်းမှာ အမျိုးသမီး အရာရှိတွေ၊ တပ်ဖွဲ့၀င်တွေ အများအပြား ရှိနေပါပြီ။

အာရပ်စော်ဘွားများပြည်ထောင်စု (ယူအေအီး) ရဲ့ ဒေသတစ်ခုဖြစ်တဲ့ ဒူဘိုင်းက ရဲတပ်ဖွဲ့ဟာ အမျိုးသမီးတွေကို စွမ်းဆောင်ရည် မြှင့်တင်ပေးတဲ့ နေရာတစ်ခုလည်း ဖြစ်လာနေပါတယ်။

၂၀၁၇ ခုနှစ်မှာ ‘ဒူဘိုင်း ရဲတပ်ဖွဲ့ အမျိုးသမီးကောင်စီ’ ကို ဖွဲ့စည်းခဲ့ပြီး ရဲတပ်ဖွဲ့မှာ အမျိုးသမီးတွေရဲ့ ပါ၀င်မှု၊ လုပ်ငန်းခွင်ပျော်ရွှင်ရေး စတာတွေကို စဥ်ဆက်မပြတ် စောင့်ကြည့်လာခဲ့တာ ဖြစ်ပါတယ်။

ရဲဌာနမှာ အမျိုးသမီးတပ်ဖွဲ့၀င်တွေရဲ့ လုပ်ငန်းခွင် ပျော်ရွှင်မှုနှုန်းဟာ ၂၀၁၈ ခုနှစ်က ၈၈.၂ ရာခိုင်နှုန်း ရှိရာကနေ ၂၀၂၁ ခုနှစ်မှာ ၉၈ ရာခိုင်နှုန်းအထိ မြင့်တက်လာပါတယ်။

ဒူဘိုင်းရဲတပ်ဖွဲ့ အမျိုးသမီးကောင်စီဟာ စွမ်းဆောင်ရည်မြှင့်တင်ပေးရေး၊ ကျား၊ မ တန်းတူညီမျှရေး၊ မတူကွဲပြားစွာ ညီညွတ်ရေး စတဲ့ ကဏ္ဍတွေနဲ့ ပတ်သက်ပြီး ကမ္ဘာတစ်၀ှမ်းက ဆုတံဆိပ်တွေလည်း ရရှိထားပါတယ်။

ပြီးခဲ့တဲ့ ၁၀ နှစ်အတွင်း ဒူဘိုင်းရဲတပ်ဖွဲ့မှာ ပညာတော်သင်ဆုရတဲ့ အမျိုးသမီးတပ်ဖွဲ့၀င်အရေအတွက်ဟာ ၆၉ ရာခိုင်နှုန်း မြင့်တက်လာခဲ့ပါတယ်။

ရာဇတ်မှုဆိုင်ရာ သိပ္ပံဌာန၊ ဇီ၀သိပ္ပံဌာန၊ ဆက်သွယ်ရေး၊ ဥပဒေနဲ့ နိုင်ငံရေး၊ ဉာဏ်ရည်တုနည်းပညာဌာန စတာတွေ အပါအ၀င် ဒူဘိုင်းရဲတပ်ဖွဲ့က နယ်ပယ် ၇၃ ခုမှာ အမျိုးသမီးတွေ တာ၀န်ထမ်းဆောင်နေကြတာဖြစ်ပါတယ်။

၁၉၆၀ ခုနှစ် ဒူဘိုင်းရဲတပ်ဖွဲ့က ပထမဆုံးအမျိုးသမီးတပ်ဖွဲ့၀င်ရဲ့ အမည်ဟာ တိုဖာဟာ စလင်း ခါမစ် ဖြစ်ပါတယ်။

ယူအေအီးနိုင်ငံရဲ့ အမျိုးသမီးများနေ့ဟာ သြဂုတ်လ ၂၈ ရက်နေ့မှာ ကျရောက်မှာ ဖြစ်ပါတယ်။

Ref: Khaleej Times