Facebook
နို၀င်ဘာ ၄၊ ၂၀၂၂
M-Media
-ဒိန်းမတ်နိုင်ငံက နာမည်ကျော် ကလေးကစားစရာကုမ္ပဏီတစ်ခုဖြစ်တဲ့ LEGO ရဲ့ ကန်ဒေါ်လာ ၁ ဘီဘီယံ တန်ဖိုးရှိ စက်ရုံကို ဗီယက်နမ်နိုင်ငံမှာ စတင်ဆောက်လုပ်နေပြီ ဖြစ်ပါတယ်။
နိုင်ငံတောင်ပိုင်း Binh Duong ပြည်နယ်က စင်ကာပူနဲ့ ဖက်စက်တည်ဆောက်ထားတဲ့ စက်မှုဇုန်မှာ စက်ရုံတည်ရှိမှာပါ။ ဒီစက်ရုံဟာ LEGO ရဲ့ ကမ္ဘာတစ်၀ှမ်း ၆ ခုမြောက်စက်ရုံ ဖြစ်ပါတယ်။ အာရှမှာတော့ ဒုတိမြောက်ပါ။
မနေ့ကလုပ်တဲ့ စက်ရုံအုတ်မြစ်ချပွဲ အခမ်းအနားကို ဗီယက်နမ် ဒုတိယ၀န်ကြီးချုပ်ကိုယ်တိုင် တက်ရောက်ခဲ့ပါတယ်။
ဗီယက်နမ်အစိုးရရဲ့ ရေရှည်တည်ငြိမ်တဲ့ ဖွံ့ဖြိုးတိုးတက်မှုဆိုင်ရာ ကတိက၀တ်တွေ၊ နိုင်ငံတကာကုန်သွယ်ရေးမှာ ဗီယက်နမ်ရဲ့ ပုံရိပ်ကောင်းမွန်မှု၊ လိုအပ်တဲ့ လူစွမ်းအားအရင်းအမြစ် တည်ရှိမှု စတာတွေကြောင့် စက်ရုံတည်ဆောက်ဖို့ ဗီယက်နမ်ကို ရွေးချယ်ရတာလို့ LEGO လုပ်ငန်းစု စီအီးအို Niels B Christiansen က ပြောကြားခဲ့ပါတယ်။
၂၀၂၄ ခုနှစ်မှာ စက်ရုံလည်ပတ်နိုင်ဖို့ ရည်ရွယ်ထားပြီး နောက်ထပ် ၁၅ နှစ်အတွင်း အလုပ်အကိုင် ၄၀၀၀ ဖန်တီးပေးနိုင်မှာ ဖြစ်ပါတယ်။
Ref:The Star
M-Media on Twitter
M-Media Tube
Comments