ကမ္ဘာကြီးတွင် ကာလ၀မ်းရောဂါ ကာကွယ်ဆေး မလောက်တော့

ဒီဇင်ဘာ ၁၆၊ ၂၀၂၂

M-Media 

-ကမ္ဘာတစ်၀ှမ်း ကာလ၀မ်းရောဂါဖြစ်ပွားမှုနှုန်း မြင့်တက်လာတဲ့အချိန် ကာကွယ်ဆေး ပြတ်တောက်မယ့်အနေအထား ရှိနေတယ်လို့ ကမ္ဘာ့ကျန်းမာရေးအဖွဲ့ WHO က သတိပေးလိုက်ပါတယ်။

၀မ်းရောဂါ အကြီးအကျယ်ဖြစ်ပွားနေတဲ့နိုင်ငံပေါင်း ၃၀ လောက်အထိ ရှိလာပြီး သေဆုံးမှုလည်း မြင့်တက်လာပါတယ်။ အခုနှစ် ဖြစ်ပွားမှုနှုန်းဟာ အရင်နှစ်ကထက် သုံးပုံတစ်ပုံလောက် မြင့်တက်လာတာပါ။ 

WHO ရဲ့ ကာလ၀မ်းရောဂါတိုက်ဖျက်ရေးအဖွဲ့ အကြီးအကဲ ဒေါက်တာ ဖိလစ် ဘာဘိုဇာက ကာကွယ်ဆေးလာတောင်းတဲ့ပမာဏ မြင့်တက်လာတယ်လို့ ပြောပါတယ်။

“ကာကွယ်ဆေးတွေ မရှိတော့ပါဘူး။ လာတောင်းတဲ့နိုင်ငံတွေ များလာတယ်။ အရမ်းစိုးရိမ်စရာ ကောင်းပါတယ်” 

WHO က ထိန်းချုပ်စီမံတဲ့ ကာကွယ်ဆေးထောက်ပံ့ရေးအဖွဲ့မှာ ပုံမှန်အားဖြင့် ကာလာ၀မ်းရောဂါ ကာကွယ်ဆေး တစ်နှစ်ကို အရေးပေါ် ၃၆ သန်းလောက် ရှိတာပါ။ 

တောင်းဆိုမှုတွေများလာတာကြောင့် အရေအတွက် လျော့နည်းလာတဲ့အတွက် ပုံမှန် ကာကွယ်ဆေးထိုးမှုကို ၂ ကြိမ်ထိုးနေရာကနေ တစ်ကြိမ်သာထိုးဖို့ WHO က အောက်တိုဘာလမှာ တစ်ကမ္ဘာလုံးကို ညွှန်ကြားခဲ့ပါတယ်။ 

Ref: Reuters