အင်္ဂလိပ်ထိပ်တန်းကလပ်အသင်းကို ၀ယ်ယူရန် ပီအက်စ်ဂျီအသင်းပိုင်ရှင်ကြိုးစားနေ

ဇန်န၀ါရီ ၁၀၊ ၂၀၂၃

M-Media 

-ပြင်သစ်ထိပ်တန်းကလပ် ပီအက်စ်ဂျီအသင်းပိုင်ရှင် နဆာရ် အလ်-ခါလီဖီဟာ အင်္ဂလန်ပရီးမီးယားလိပ်က ထိပ်တန်းကလပ်အသင်းတစ်ခုကို ၀ယ်ယူဖို့ ကြိုးစားနေပါတယ်။ 

တော့တင်ဟမ် ဟော့စပါးအသင်းနဲ့ ပြီးခဲ့တဲ့တစ်ပတ်မှာ ဆွေးနွေးမှုတွေ ပြုလုပ်ခဲ့ပြီး မန်ယူနဲ့ လီဗာပူးလ်တို့ကို ၀ယ်ဖို့လည်း အလ်-ခါလီဖီက စိတ်၀င်စားနေတယ်လို့ ဆိုပါတယ်။ 

မန်ယူအသင်းပိုင်ရှင် ဂလေဇာနဲ့ လီဗာပူးလ်အသင်းကို ပိုင်ဆိုင်တဲ့ Fenway Sports Group တို့က အသင်းကို ရောင်းချလိုကြောင်း နို၀င်ဘာလမှာ ထုတ်ပြောထားတာ ဖြစ်ပါတယ်။ 

အလ်-ခါလီဖီ ဦးဆောင်တဲ့ ကာတာ ရင်းနှီးမြှုပ်နှံမှုအဖွဲ့ Qatar Sports Investments (QSI) ဟာ အင်္ဂလိပ် ထိပ်တန်းကလပ်အသင်းကို တစ်ခုလုံး ဒါမှမဟုတ် တစ်စိတ်တစ်ပိုင်း ၀ယ်ယူလိုနေတယ်လို့ CBS သတင်းဌာနက တနင်္ဂနွေနေ့မှာ ဖော်ပြပါတယ်။

မန်စီးတီးအသင်းကို ပိုင်ဆိုင်ထားတဲ့ ဒူဘိုင်းအခြေစိုက် City Football Group လုပ်ငန်းစုလို့ QSI ကလည်း ကမ္ဘာတစ်၀ှမ်း ဘောလုံးအသင်းတွေ အများအပြားပါ၀င်တဲ့ ရင်းနှီးမြှုပ်နှံမှု ရပ်၀န်းတစ်ခုကို ဖန်တီးဖို့ ကြိုးစားနေတာ ဖြစ်ပါတယ်။ 

Ref: The Mirror