မြန်မာနိုင်ငံမှ၀င်လာသည့် မူးယစ်မှောင်ခိုသမား ၆ ဦးကို ထိုင်းစစ်တပ်က အသေဖမ်းဆီး

ဇန်န၀ါရီ ၁၁၊ ၂၀၂၃

M-Media 

-ထိုင်း-မြန်မာ-လာအို သုံးနိုင်ငံနယ်စပ်ဖြစ်တဲ့ ရွှေတြိဂံဒေသမှာ မူးယစ်မှောင်ခိုသမား ၆ ဦးကို စစ်တပ်က အသေပစ်ခတ် ဖမ်းဆီးခဲ့တယ်လို့ ထိုင်းအာဏာပိုင်တွေက ပြောပါတယ်။ 

တနင်္လာနေ့မနက်ပ်ိုင်း အရုဏ်တက်ချိန်လောက်မှာ မြန်မာဖက်ကနေ ဖန်ခရိုင်ထဲ၀င်လာတဲ့ လူ ၂၀ လောက်ရှိတဲ့အဖွဲ့နဲ့ ထိုင်းတပ်ဖွဲ့တစ်ခုတို့ အပြန်အလှန်ပစ်ခတ်မှု ဖြစ်ပွားခဲ့တာပါ။ 

နယ်စပ်ဒေသက ပြည်နယ် ၆ ခုရဲ့ လုံခြုံရေးကို ကိုင်တွယ်နေတဲ့ Pha Muang Task Force က ပစ်ခတ်မှုအတွင်း မူးယစ်မှောင်ခိုသမား ၆ ဦး သေဆုံးခဲ့တယ်လို့ ဆိုပါတယ်။ 

သူတို့သယ်လာတဲ့ အိတ် ၁၉ လုံးကနေ ကက်တမင်း ကီလို ၃၀၀ နဲ့ သေနတ် ၃ လက် ဖမ်းဆီးမိတယ်လို့လည်း ထုတ်ပြန်ချက်မှာ ဖော်ပြပါတယ်။

ထိုင်းစစ်တပ်ဟာ ပြီးခဲ့တဲ့ကလည်း မြန်မာနယ်စပ်အနီးမှာ မူးယစ်မှောင်ခိုသမား ၁၅ ဦးကို အသေပစ်ခတ် ဖမ်းဆီးခဲ့ပါတယ်။ 

မှောင်ခိုသမားတွေက စစ်သားတွေကို အရင်ပစ်ခတ်ခဲ့တာဖြစ်ပြီး မြန်မာနိုင်ငံကနေ သယ်လာတဲ့ စိတ်ကြွဆေး မက်တာဖက်သမင်းအများအပြား ဖမ်းမိခဲ့ကြောင်း ထိုင်းအစိုးရရဲ့ ထုတ်ပြန်ချက်မှာ ဖော်ပြထားပါတယ်။ 

Ref: AFP