ပါလက်စတိုင်း ဒုက္ခသည်စခန်းကို အစ္စရေးက ဒုံးကျည်ဖြင့်ပစ်

ဖေဖော်၀ါရီ ၄၊ ၂၀၂၃

M-Media 

-ပါလက်စတိုင်းနိုင်ငံ အနောက်ဖက်ကမ်းက ဒုက္ခသည်စခန်းတစ်ခုကို အစ္စရေးတပ်ဖွဲ့တွေ ၀င်ရောက်စီးနင်းတိုက်ခိုက်မှုအတွင်း အနည်းဆုံး လူ ၁၃ ဦး ဒဏ်ရာရခဲ့ပါတယ်။ 

ဂျာရီချိုမြို့က အက္ကဘတ်ဂျဘာရ် ဒုက္ခသည်စခန်းဖြစ်ပြီး အစ္စရေးက တင့်ဖျက် ပဲ့ထိန်းဒုံးကျည်တွေပါ အသုံးပြုတိုက်ခိုက်ခဲ့တာ ဖြစ်ပါတယ်။ 

ဒဏ်ရာရသူတွေထဲမှာ နှစ်ဦးက စိုးရိမ်ရတဲ့ အနေအထားမှာရှိပြီး၊ အခင်းဖြစ်တဲ့နေရာမှာ လူနာတင်ယာဥ်၀င်ရောက်ခွင့်ကိုလည်း အစ္စရေးက ပိတ်ပင်ထားတယ်လို့ ပါလက်စတိုင်းလခြမ်းနီအဖွဲ့က ပြောပါတယ်။ 

ဂျာရီချို့မြို့မှာ လူပေါင်း ၃၇၀၀၀ လောက်နေထိုင်ပြီး အစ္စရေးစစ်တပ်က ပိတ်ဆို့ထားတာ တစ်ပတ်လောက်ရှိပါပြီ။ တရားမ၀င် ဂျူးအခြေချအိမ်ယာမှာ ပစ်ခတ်မှု ပြုလုပ်သူတွေကို ဖမ်းဆီးဖို့ဆိုတဲ့ ခေါင်းစဥ်နဲ့ ဖြစ်ပါတယ်။

ပြီးခဲ့တဲ့တစ်ပတ်ကလည်း အနောက်ဖက်ကမ်းက ဂျီနင် ဒုက္ခသည်စခန်းမှာ အစ္စရေးစစ်တပ်က ၀င်ရောက်စီးနင်းတိုက်ခိုက်မှုကြောင့် ပါလက်စတိုင်း ၉ ဦး သေဆုံးခဲ့ပါတယ်။ 

အခုနှစ်အတွင်း အစ္စရေးရဲ့ သတ်ဖြတ်မှုကြောင့် ပါလက်စတိုင်း အနည်းဆုံး ၃၆ ဦး သေဆုံးခဲ့ပြီး၊ ကလေးငယ် ၆ ဦးနဲ့ အဖွားအိုတစ်ဦး ပါ၀င်ပါတယ်။ 

Ref: Aljazeera