နှစ်နိုင်ငံသား ခံယူခွင့်စာရင်းတွင် ဘင်္ဂလားဒေ့ရှ်က ၄၄ နိုင်ငံထပ်တိုး

ဖေဖော်၀ါရီ ၂၈၊ ၂၀၂၃

M-Media 

-ဘင်္ဂလားဒေ့ရှ်နိုင်ငံသားတွေ တစ်ခြားနိုင်ငံသားခံယူခွင့်ရမယ့် နိုင်ငံတွေစာရင်းမှာ အစိုးရက နောက်ထပ် ၄၄ နိုင်ငံ ထပ်တိုးလိုက်ပါတယ်။ 

ဘင်္ဂလားဒေ့ရှ်နိုင်ငံသားတွေဟာ မိခင်နိုင်ငံရဲ့ နိုင်ငံသားဖြစ်မှုကို စွန့်လွှတ်စရာမလိုဘဲ နောက်ထပ်နိုင်ငံတစ်ခုရဲ့ နိုင်ငံသားအဖြစ် ခံယူခွင့်ရှိမှာဖြစ်ပြီး ဒီစာရင်းမှာ စုစုပေါင်း ၁၀၁ နိုင်ငံ ရှိလာပြီ ဖြစ်ပါတယ်။ 

အခုထပ်ပေါင်းလိုက်တဲ့ ၄၄ နိုင်ငံစာရင်းမှာ အာဖရိက ၁၉ နိုင်ငံ၊ တောင်အမေရိက ၁၂ နိုင်ငံ၊ ကာရစ်ဘီယံကျွန်းနဲ့ သမုဒ္ဒရာပိုင်းဒေသက စုစုပေါင်း ၁၂ နိုင်ငံ ပါ၀င်ပါတယ်။ 

အီဂျစ်၊ တောင်အာဖရိက၊ ကင်ညာ၊ အလ်ဂျီးရီးယား၊ ဆူဒန်၊ ဘရာဇီလ်း၊ ဘိုလစ်ဗီးယား၊ အာဂျင်တီးနား၊ ပီရူး၊ ချီလီ၊ ကျူးဘား၊ ထရီနီဒတ်နှင့် တိုဘေဂို၊ ဘာဘေဒိုးစ်နဲ့ ဖီဂျီနိုငံတွေ စာရင်းထဲမှာ ပါ၀င်လာပါတယ်။ 

ထပ်တိုးစာရင်းကို ပြည်ထဲရေး၀န်ကြီးဌာနရဲ့ လုံခြုံရေးဌာနခွဲက အဆိုပြုတာဖြစ်ပြီး အစိုးရက တနင်္လာနေ့မှာ အတည်ပြုခဲ့တာ ဖြစ်ပါတယ်။ 

ဘင်္ဂလားဒေ့ရှ်နွယ်ဖွားဖြစ်ပြီး တစ်ခြားနိုင်ငံသား ခံယူထားသူတွေ ဘင်္ဂလားဒေ့ရှ်နိုင်ငံသားအဖြစ် ပြန်လည်လျှောက်ထားမှုကိုလည်း အခြေအနေတစ်ခုချင်းစီအပေါ်လိုက်ကာ လက်ခံပေးတယ်လို့ အစိုးရရဲ့ ထုတ်ပြန်ချက်မှာ ဖော်ပြထားပါတယ်။ 

Ref: Newsonair