ယူအေအီး အာကာသယာဥ်မှူး အာရပ်ကမ္ဘာတွင် နောက်ထပ် သမိုင်းသစ်တစ်ခု ရေးထိုးမည်

ဧပြီ ၈၊ ၂၀၂၃

M-Media 

-အာရပ်စော်ဘွားများပြည်ထောင်စု (ယူအေအီး) နိုင်ငံရဲ့ အာကာသယာဥ်မှူး ဆူလ်တန် အလ်-နီယာဒီဟာ ဧပြီ ၂၈ ရက်နေ့မှာ အာကာသထွက် လမ်းလျှောက်ဖို့ ရှိနေပါတယ်။ 

နီယာဒီဟာ မတ်လ ၂ ရက်နေ့ကတည်းက နိုင်ငံတကာ အာကာသစခန်း (ISS) ကို ရောက်ရှိနေပြီး ၆ လကြာ နေထိုင်မှာ ဖြစ်ပါတယ်။ ဒီခရီးစဥ်ကြောင့် အာကာသမှာ အချိန်အကြာဆုံး နေထိုင်တဲ့ အာရပ် အာကာသယာဥ်မှူးအဖြစ် မှတ်တမ်း၀င်ခဲ့ပါတယ်။ 

ဧပြီလကုန်ပိုင်းမှာ နီယာဒီဟာ အခြားအာကာသယာဥ်မှူးတစ်ဦးနဲ့အတူ အာကာသထဲထွက်ကာ နိုင်ငံတကာအာကာသစခန်း ပြုပြင်၊ အဆင့်မြှင့်တင်မှု လုပ်ဆောင်မှာဖြစ်ပါတယ်။ 

၆ နာရီခွဲကြာမယ့် ဒီလုပ်ငန်းစဥ်ကြောင့် အာရပ်ကမ္ဘာမှာ ပထမဆုံး အာကာသထွက်တဲ့ အာကာသယာဥ်မှူးအဖြစ် မှတ်တမ်း၀င်မှာပါ။

အသက် ၄၁ နှစ်အရွယ် နာဒီဟာ အာကာသကိုရောက်တဲ့ ဒုတိယမြောက် ယူအေအီးနိုင်ငံသားလည်း ဖြစ်ပါတယ်။ 

Ref: Alarabiya