လီဗာပူးလ်ဂန္တ၀င် ဖောင်လာ၏ စံချိန်ကို မီသွားသည့် ဆာလာဟ်

ဧပြီ ၂၄၊ ၂၀၂၃

M-Media 

-စနေနေ့က နော်တင်ဟမ်ဖောရက်စ်နဲ့ပွဲမှာ ရရှိခဲ့တဲ့ ဂိုး ၁ ဂိုးကြောင့် တိုက်စစ်မှူး မိုဟာမက် ဆာလာဟ်ဟာ လီဗာပူးလ်ရဲ့ ၆ ယောက်မြောက် ဂိုးသွင်းအများဆုံးကစားသမား ဖြစ်လာပါတယ်။

ဆာလာဟ်ဟာ စုစုပေါင်း ၁၃၈ ဂိုးရရှိထားပြီး ဂန္တ၀င်တိုက်စစ်မှူး ရော်ဘီဖောင်လာရဲ့ ဂိုးသွင်းစံချိန်နဲ့ တူညီသွားတာလည်း ဖြစ်ပါတယ်။ 

လီဗာပူးလ်ရဲ့ ၆ ယောက်မြောက် ဂိုးအများဆုံးကစားသမားဖြစ်ဖို့ ဖောင်လာတစ်ယောက် ၁၁ ရာသီကြာ ကစားခဲ့ရပြီး ဆာလာဟ်ကတော့ ၆ ရာသီတည်းနဲ့ လိုက်မီခဲ့တာပါ။ 

“၆ ရာသီတည်းနဲ့ လီဗာပူးလ်ရဲ့ ၆ ယောက်မြောက် ဂိုးအများဆုံး သွင်းနိုင်တဲ့ ကစားသမားဘွဲ့ ရရှိတာ ကျေနပ်ပါတယ်။ ဖောင်လာဟာ အသင်းရဲ့ ဂန္တ၀င်ကစားသမားဖြစ်ပြီး သူနဲ့ စံချိန်တူသွားတဲ့အတွက်လည်း ကျွန်တော် ဂုဏ်ယူပါတယ်။ နောက်ထပ်ဂိုးတွေသွင်းပြီး စံချိန်တွေ ထပ်ချိုးချင်ပါတယ်” လို့ ဆာလာဟ်က မီဒီယာတွေကို ပြောကြားခဲ့ပါတယ်။ 

ဆာလာဟ်ဟာ လီဗာပူးလ်အသင်း သမိုင်းတစ်လျှောက် ပရီးမီးယားလိဂ်သွင်းဂိုးအများဆုံး ကစားသမား၊ ပရီးမီးယားလိဂ်သမိုင်းမှာ ဘယ်ခြေနဲ့ အများဆုံး ဂိုးသွင်းနိုင်တဲ့ ကစားသမားအဖြစ်လည်း မှတ်တမ်း၀င်ပါတယ်။

Ref: Goal