ဆန့်ကျင်မှုတွေကြားက အိန္ဒိယရဲ့ လွှတ်တော်သစ်ဖွင့်ပွဲ

မေ ၂၈၊ ၂၀၂၃

M-Media 

-အိန္ဒိယ၀န်ကြီးချုပ် မိုဒီဟာ ဒီကနေ့မှာ လွှတ်တော်အဆောက်အအုံသစ်ကို ဖွင့်လှစ်ပေးခဲ့ပါတယ်။ 

ဗြိတိသျှလက်ထက်က ဆောက်လုပ်ခဲ့ပြီး မနှစ်ကအထိ အသုံးပြုခဲ့တဲ့ လွှတ်တော်ဟောင်းရဲ့ အရှေ့မှာ လွှတ်တော်သစ်ကို ဆောက်လုပ်ထားတာပါ။ 

လွှတ်တော်ဟောင်းကို ပြတိုက်အဖြစ် ထားရှိမှာ ဖြစ်ပါတယ်။ 

လွှတ်တော်သစ်ဖွင့်ပွဲမှာ နိုင်ငံဦးသျှောင် သမ္မတ ဒရူပါဒီ မာရ်မူကို နေရာမပေးတာနဲ့ ဟိန္ဒူလူမျိုးကြီး၀ါဒီ ဗီဒီ ဆာဗာရ်ကာရဲ့ မွေးနေ့မှာ ဖွင့်ပွဲလုပ်တာတွေကြောင့် အဓိက အတိုက်အခံ ကွန်ဂရက်ပါတီအပါအ၀င် အတိုက်အခံပါတီ ၁၉ ခုက ဒီဖွင့်ပွဲကို သပိတ်မှောက်ခဲ့ပါတယ်။ 

အိန္ဒိယ နပန်းသမားများအဖွဲ့က ဒီကနေ့မနက်ပိုင်း လွှတ်တော်ရှေ့မှာ ဆန္ဒပြခဲ့ကြပြီး ရဲတပ်ဖွဲ့က အင်အားသုံး ဖမ်းဆီးနှိမ်နှင်းတာတွေ လုပ်ခဲ့ပါတယ်။ 

လွှတ်တော်သစ်အတွက် ကန်ဒေါ်လာ ၁၁၇ သန်း ကုန်ကျခဲ့ပါတယ်။ အောက်လွှတ်တော်ကို အိန္ဒိယ အမျိုးသား အမှတ်သညာဖြစ်တဲ့ ဒေါင်းပုံစံ၊ အထက်လွှတ်တော်ကို ကြာပွင့်ပုံစံ ဖန်တီးထားပါတယ်။ 

Ref: BBC