အစ္စရေးထံမှ ဒုံးခွင်းစနစ်၀ယ်မယ့် ဂျာမနီ

ဇွန် ၁၅၊ ၂၀၂၃

M-Media 

-အစ္စရေးထုတ် အဆင့်မြင့် Arrow-3 ဒုံးခွင်းစနစ်ကို ၀ယ်ယူဖို့အတွက် ဂျာမနီလွှတ်တော်က ဗုဒ္ဓဟူးနေ့မှာ အတည်ပြုလိုက်ပါတယ်။ 

၀ယ်ယူမယ့်တန်ဖိုးဟာ ကန်ဒေါ်လာ ၄ ဒဿမ ၃ ဘီလီယံ ရှိမှာဖြစ်ပြီး ဂျာမနီဖက်က ကြိုငွေ သန်း ၅၆၀ အရင်ပေးရမှာ ဖြစ်ပါတယ်။ 

Arrow-3 ဟာ တာ၀ေး ဒုံးခွင်းစနစ်ဖြစ်ပြီး ကမ္ဘာ့လေထုအပြင်ဖက်က ပစ်မှတ်တွေကိုပါ ဖျက်ဆီးနိုင်တဲ့အထိ အစွမ်းထက်ပါတယ်။ ဂျာမနီနဲ့ ပတ်၀န်းကျင် အိမ်နီးချင်းနိုင်ငံတွေကိုပါ ကာကွယ်ပေးနိုင်မှာပါ။ 

ရုရှားက ယူကိန်းကို ကျူးကျော်မှုအတွင်း ဥရောပရဲ့ လေကြောင်းရန် ကာကွယ်ရေး အားနည်းချက်ကို ခေါင်းဆောင်တွေက သတိပြုမိလာကြပါတယ်။ 

ဒုံးကျည်တွေ၊ ဒရုန်းတွေကို ထိထိရောက်ရောက်တားဆီးနိုင်မယ့် မြေပြင်ဒုံးခွင်းစနစ်မျိုး ဥရောပမှာ လုံလုံလောက်လောက် ရှိမနေပါဘူး။ 

ယူကရိန်းစစ်ပွဲကြောင့် ဂျာမနီက ကာကွယ်ရေးကို ပိုမိုတောင့်တင်းအောင်လုပ်ဆောင်ဖို့ ကြိုးပမ်းလာပြီး ကန်ဒေါ်လာ ၁၀၈ ဘီလီယံ သုံးစွဲမယ့် ကာကွယ်ရေးအစီအစဥ်တစ်ခုကို ဂျာမနီ၀န်ကြီးချုပ်က မကြာသေးခင်ကပဲ ပြည်သူကို ချပြခဲ့ပါတယ်။ 

Arrow-3 ၀ယ်ယူရေးလုပ်ငန်းစဥ်ကို အခုနှစ်ကုန်ပိုင်းမှာ အစ္စရေးအစိုးရနဲ့ ဂျာမနီက ဆွေးနွေးမှာ ဖြစ်ပါတယ်။ 

Ref: Reuters