ဆွီဒင်တွင် ကုရ်အာန်ကျမ်းစာ မီးရှို့သည့်ကိစ္စ အိုအိုင်စီခေါင်းဆောင်များ ဆွေးနွေးအဖြေရှာမည်

ဇူလိုင် ၁၊ ၂၀၂၃

M-Media 

-ဆွီဒင်မှာ အခုတစ်ပတ်အတွင်း ကုရ်အာန်ကျမ်းစာ မီးရှို့တဲ့ကိစ္စကို တုန့်ပြန်ဆောင်ရွက်နိုင်ရေး ဆွေးနွေးဖို့အတွက် အစ္စလာမ်နိုင်ငံများ ပူးပေါင်းဆောင်ရွက်ရေးအဖွဲ့ (OIC) က လာမယ့်တစ်ပတ်အတွင်း အစည်းအ၀ေး ကျင်းပဖို့ ရှိနေပါတယ်။ 

အစည်းအ၀ေးမှာ ယုတ်ညံ့တဲ့ ဒီလိုလုပ်ရပ်တွေကို တားဆီးနိုင်ရေးနဲ့ လိုအပ်တဲ့ အရေးယူဆောင်ရွက်မှုတွေ ပြုလုပ်နိုင်ရေး ဆွေးနွေးသွားမှာပါ။ 

အီရတ်နိုင်ငံက စစ်ပြေးဒုက္ခသည် အသက် ၃၇ နှစ်အရွယ် ဆလ်၀မ် မိုမီကာဆိုသူဟာ ဗုဒ္ဓဟူးနေ့က စတော့ဟုမ်းမြို့ရဲ့ အကြီးဆုံး ဗလီ၀တ်ကျောင်းတော်ရှေ့မှာ ကုရ်အာန်ကျမ်းစာကို မီးရှို့ခဲ့ပါတယ်။ 

ဒီကိစ္စနဲ့ပတ်သက်လို့ အစ္စလာမ်ဘာသာ၀င်အများစုရှိတဲ့ နိုင်ငံတွေမှာ ဆန္ဒပြပွဲတွေ ဖြစ်ပေါ်ခဲ့ပြီး နိုင်ငံတစ်ချို့ကလည်း ဆွီဒင်သံအမတ်ကို ခေါ်ယူ သတိပေးတာ၊ သံအမတ် ရုပ်သိမ်းတာတွေ ပြုလုပ်ခဲ့ပါတယ်။ 

မိုမီကာက ကုရ်အာန်ကျမ်းစာ မီးရှို့တဲ့လုပ်ရပ်ကို နောက်လည်း ထပ်လုပ်သွားမယ်လို့ ခြိမ်းခြောက်ထားပါတယ်။ 

ဆွီဒင်မှာ ပြီးခဲ့တဲ့နှစ်ကလည်း လက်ယာနိုင်ငံရေးသမားတစ်ဦးက ကုရ်အာန်မီးရှို့ပွဲတွေ ပြုလုပ်ခဲ့ပြီး နောက်ဆက်တွဲ ဆန္ဒပြမှုတွေ ဖြစ်ပေါ်ခဲ့ပါတယ်။ 

Ref: Arab News