တရားရုံးတိုက်ပွဲတွေမှာ တွေ့လာရတော့မယ့် အီလွန်မက်စ်နှင့် ဇက်ကာဘဂ်

ဇူလိုင် ၇၊ ၂၀၂၃

M-Media 

-Threads အက်ပလီကေးရှင်းအသစ် ဖန်တီးမှုအတွက် ဖေ့စ်ဘုတ်ကုမ္ပဏီ Meta ကို တရားစွဲဆိုဖို့ စဥ်းစားနေတယ်လို့ Twitter က ထုတ်ပြန်ပါတယ်။ 

Threads ဟာ Twitter ကို တုပထားတဲ့ ဆိုရှယ်မီဒီယာတစ်ခုလို့ နာမည်ကြီးနေတာပါ။ Twitter က ၀န်ထမ်းဟောင်းတွေကို Meta က ခေါ်ယူပြီး ဒီအက်ပလီကေးရှင်းကို ဖန်တီးထားတယ်လို့လည်း သတင်းတွေ ထွက်နေပါတယ်။ 

Twitter စီအီးအို အီလွန်မက်စ်က စျေးကွက်ပြိုင်ဆိုင်မှုအတွက် အဆင်ပြေပေမယ့် ခိုးယူတာမျိုးကိုတော့ လက်သင့်မခံနိုင်ဘူးလို့ ထုတ်ပြောလာပါတယ်။ 

Threads ကို ဗုဒ္ဓဟူးနေ့က စတင်မိတ်ဆက်ခဲ့ရာမှာ ကမ္ဘာတစ်၀ှမ်း သုံးစွဲသူ သန်း ၃၀ လောက် ရှိတယ်လို့ Meta က ထုတ်ပြန်ပါတယ်။ 

Twitter ကုမ္ပဏီရဲ့ ရှေ့နေ အဲလက်စ် စပီရိုက ဗုဒ္ဓဟူးနေ့မှာ Meta စီအီးကို မက်ခ် ဇက်ကာဘဂ်ထံ စာတစ်စောင် ပေးပို့ခဲ့ပါတယ်။ အဲဒီစာထဲမှာ Twitter ရဲ့ စီးပွားရေး လျှို့၀ှက်ချက်တွေ၊ ဉာဏရင်းမြစ်တွေကို ရည်ရွယ်ချက်ရှိရှိ စနစ်တကျ ရယူခဲ့တယ်လို့ စွပ်စွဲထားပါတယ်။ 

Twitter က ၀န်ထမ်းတွေကို Meta က ခေါ်ခန့်ခဲ့တာကြောင့် သူတို့ကုမ္ပဏီရဲ့ လျှို့၀ှက် သတင်းအချက်အလက်တွေ ရရှိခဲ့တယ်လို့လည်း စပီရိုရဲ့စာမှာ ဖော်ပြထားပါတယ်။ 

Twitter ၀န်ထမ်းတွေ ခေါ်ခန့်ခဲ့တယ်ဆိုတဲ့ ပြောကြားမှုတွေကို Meta ဖက်က ငြင်းထားပါတယ်။ 

Ref: BBC