ဆွီဒင် နေတိုးအဖွဲ့၀င်ဖြစ်ရန် တူရကီ သဘောတူလိုက်ပြီ

ဇူလိုင် ၁၁၊ ၂၀၂၃

M-Media 

-မြောက်အတ္တလန်တိတ် မဟာမိတ်အဖွဲ့ (နေတိုး) မှာ ပါ၀င်ဖို့အတွက် ဆွီဒင်နိုင်ငံရဲ့ လျှောက်ထားမှုကို ထောက်ခံပေးဖို့ တူရကီသမ္မတ အာဒိုဂန်က သဘောတူလိုက်ပါတယ်။ 

ရုရှားက ယူကရိန်းကို ကျူးကျော်တိုက်ခိုက်ပြီးတဲ့နောက်ပိုင်း ဥရောပနိုင်ငံငယ်တစ်ချို့ဟာ စစ်ရေးအကူအညီတွေ ရဖို့အတွက် အမေရိကန်ဦးဆောင်တဲ့ နေတိုးအဖွဲ့ကို ၀င်နိုင်ရေး ကြိုးပမ်းလာကြတာပါ။ 

ဆွီဒင်ရဲ့ လျှောက်ထားမှုကို အစောပိုင်းမှာ တူရကီက ကန့်ကွက်ထားပါတယ်။ တူရကီအစိုးရက စစ်သွေးကြွလို့ သတ်မှတ်ထားတဲ့ ကာ့ဒ်တပ်ဖွဲ့တွေကို ဆွီဒင်က လက်ခံဆက်သွယ်တယ်ဆိုတဲ့ အကြောင်းပြချက်နဲ့ ဖြစ်ပါတယ်။ 

ဒီကိစ္စအတွက် ညှိနှိုင်းဆွေးနွေးမှုတွေ ပြုလုပ်အပြီးမှာတော့ ဆွီဒင်ကို အဖွဲ့၀င်ဖြစ်ရေး ထောက်ခံဖို့ တူရကီသမ္မတက သဘောတူခဲ့ပါတယ်။ ဒီသဘောထားကို အာဒိုဂန်က တူရကီလွှတ်တော်မှာ တင်ပြပြီး အတည်ပြုချက် ရယူမှာ ဖြစ်ပါတယ်။ 

ဆွီဒင်၀န်ကြီးချုပ် အွလ်ဖ် ကရစ်တာဆန်က တူရကီရဲ့ ထောက်ခံမှု့အတွက် ပျော်ရွှင်မိတယ်လို့ ပြောကြားခဲ့ပါတယ်။

အမေရိကန်သမ္မတ ဂျိုးဘိုင်ဒန်ကလည်း အာဒိုဂန်ရဲ့ ကတိက၀တ်ကို ကြိုဆိုပြီး နေတိုးအဖွဲ့မှာ ၃၂ နှစ်ခုမြောက်အဖွဲ့၀င်အဖြစ် ဆွီဒင်ကို မြင်ချင်နေပြီလို့ အိမ်ဖြူတော်က ထုတ်ပြန်တဲ့ ကြေငြာချက်မှာ ဖော်ပြထားပါတယ်။ 

Ref: BBC