ရေနစ်သေမလို ဖြစ်ခဲ့သည့် ရစ်ချာလီဆန်

၂၀၀၆ ကမ္ဘာ့ဖလားက ရော်နယ်ဒို၊ ကာကာ၊ အက်ဒရီယာနိုနဲ့ ရော်နယ်ဒင်ဟိုတို့ရဲ့နှစ်ပါ။ အဲဒီအချိန် ကျွန်တော်က အဖိုးရဲ့ကော်ဖီခြံမှာ အလုပ်လုပ်နေတုန်း။ အလုပ်သမားတွေကို ရေခဲချောင်းရောင်းတယ်။ သူငယ်ချင်းတွေနဲ့ ဂေါ်လီရိုက်တယ်။ မြစ်ထဲမှာ ရေဆင်းကူးတယ်။ မိုးရွာရင် မြစ်က ရေစီးသန်တော့ အဲဒီအချိန်ကို ကျွန်တော်တို့သူငယ်ချင်းတွေက ကြိုက်တယ်။ ထရပ်ကားတာယာယူသွားပြီး မျှောစီးကြတယ်။

တစ်ခေါက် ကျွန်တော့်ညီ ရေနစ်နေလို့ သွားကယ်ရသေးတယ်။ အနားလည်းရောက်ရော သူက ကျွန်တော့်ကို ရေထဲနှစ်ပြီး ရေပေါ်တက် အသက်ရှူ၊ ကျွန်တော်ကလည်း သူ့ပြန်နှစ်၊ အသက်ပြန်ရှူ လုံးထွေးပြီး နှစ်ယောက်လုံး နစ်နေကြတာ။ နောက်ဆုံး ခြေထောက်နဲ့ ကျွန်တော် ကန်လိုက်တဲ့အချိန် သူက ကျောက်တုံးတစ်ခုနားရောက်ပြီး လှမ်းကိုင်လိုက်နိုင်တယ်။ ကျွန်တော့်ဘ၀မှာ ခြေထောက်နဲ့ ကောင်းတာတစ်ခုကို ပထမဆုံး လုပ်ဖြစ်ခဲ့တာပါ။ ညင်ညင်သာသာတော့မဟုတ်ဘူး။ ဒါပေမယ့် လူတစ်ယောက်ရဲ့ အသက်ကို ကယ်တင်လိုက်နိုင်ပါတယ်။ 

Ref: The Players Tribune