လ၏ တောင်၀င်ရိုးစွန်းကို ဆင်းသက်မည့် အိန္ဒိယ၏ တတိယမြောက် အာကသယာဥ်

ဇူလိုင် ၁၆၊ ၂၀၂၃

M-Media 

-အိန္ဒိယနိုင်ငံဟာ တတိယမြောက် လစူးစမ်းလေ့လာရေးယာဥ်ကို သောကြောနေ့မှာ အောင်မြင်စွာ လွှတ်တင်နိုင်ခဲ့ပါတယ်။ 

အာကာသယာဥ်ကို Chandrayaan-3 လို့ အမည်ပေးထားပြီး သြဂုတ်လ ၂၃-၂၄ ရက်နေ့မှာ လပေါ်ကို ရောက်ရှိမယ်လို့ ခန့်မှန်းထားပါတယ်။ 

အာကာသယာဥ်ဟာ လူသားတွေ စူးစမ်းလေ့လာမှုနည်းပါးတဲ့ လရဲ့ တောင်ဖက်၀င်ရိုးစွန်းပေါ်ကို ဆင်းသက်မှာပါ။ အောင်မြင်ရင် အမေရိကန်၊ ဆိုဗီယက်နဲ့ တရုတ်တို့နောက်ပိုင်း လတောင်၀င်ရိုးစွန်းကို ရောက်ရှိတဲ့ စတုတ္ထမြောက်နိုင်ငံ ဖြစ်လာမှာ ဖြစ်ပါတယ်။ 

အိန္ဒိယရဲ့ လစူးစမ်းလေ့လာရေး စီမံကိန်းဟာ ၂၀၀၈ ခုနှစ်မှာ စတင်တာပါ။ Chandrayaan-1 လို့ အမည်ပေးထားတဲ့ အာကာသယာဥ်ကို လွှတ်တင်ကာ လပေါ်မှာ ရေ ရှိ၊ မရှိကို လေ့လာခဲ့ပါတယ်။  

နေ့ဖက်တွေမှာ လပေါ် လေထုရှိကြောင်းကို Chandrayaan-1 ရဲ့ စူးစမ်းလေ့လာမှုကနေတစ်ဆင့် တွေ့ရှိခဲ့ပါတယ်။ 

Chandrayaan-2 အာကာသယာဥ်ကို ၂၀၁၉ ခုနှစ်မှာ လွှတ်တင်ခဲ့ပြီး လဆင်းယာဥ်ငယ် လပေါ်ကိုဆင်းသက်ရာမှာ မအောင်မြင်ခဲ့ပါဘူး။ ဒါပေမယ့် အာကာသယာဥ်ကတော့ လပတ်လမ်းကြောင်းမှာ လှည့်ပတ်ကာ လေ့လာမှုတွေ ဆက်လက်လုပ်ဆောင်နေပါတယ်။ 

Chandrayaan-2 လဆင်းယာဥ်ငယ် ပျက်ကျမှုကို ပုံတူဖန်တီး လေ့လာမှုတွေ ပြုလုပ်ကာ အခုတစ်ခေါက်ခရီးစဥ်မှာ ထပ်မဖြစ်အောင် ကြိုးစားထားတယ်လို့ အိန္ဒိယ အာကာသ အေဂျင်စီက ထုတ်ပြန်ပါတယ်။ 

Chandrayaan-3 အာကာယာဥ်အတွင် ရူပီး ၆ ဒဿမ ၁ ဘီလီယံ (ကန်ဒေါ်လာ ၇၅ သန်း) ကုန်ကျခဲ့ပါတယ်။ 

Ref: BBC