Twitter လိုဂိုကို ချိန်းတော့မယ့် အီလွန်မက်စ်

ဇူလိုင် ၂၄၊ ၂၀၂၃

M-Media 

– Twitter လိုဂိုက အပြာရောင်ငှက်ပုံကို အင်္ဂလိပ်အက္ခရာ X သဏ္ဍာန်နဲ့ ပြောင်းလဲတော့မယ်လို့ ပိုင်ရှင် အီလွန်မက်စ်က ပြောကြားလိုက်ပါတယ်။

မက်စ်ဟာ Twitter ကို ကန်ဒေါ်လာ ၄၄ ဘီလီယံနဲ့ ပြီးခဲ့တဲ့နှစ်မှာ ၀ယ်ယူပြီးနောက်ပိုင်း ကုမ္ပဏီအမည်ကို X Corp လို့ ပြောင်းလဲခဲ့ပါတယ်။

ဇူလိုင်လ ၂၄ ရက်နေ့ကစတင်ပြီး လိုဂိုပါ ပြောင်းတော့မှာပါ။ 

လိုဂိုပြောင်းလဲမှုဟာ အရင်ကတည်းက လုပ်သင့်ခဲ့တဲ့ ကိစ္စမျိုးဖြစ်တယ်လို့လည်း မက်စ်က Twitter စာမျက်နှာမှာ ရေးသားခဲ့ပါတယ်။ 

မက်စ်ဟာ သူ့ရဲ့ကုမ္ပဏီတွေကို X ဆိုတဲ့အမည်တွေ ပေးလေ့ရှိပါတယ်။ အာကာသစူးစမ်းလေ့လာရေးကုမ္ပဏီကို SpaceX၊ အွန်လိုင်း ငွေကြေး ၀န်ဆောင်မှုလုပ်ငန်းကို X.com စသဖြင့် အမည်ပေးထားပါတယ်။ 

Facebook ပိုင်ရှင် ဇက်ကာဘက်ဟာ မကြာသေးခင်က Twitter ကိုယှဥ်မယ့် Thread ဆိုတဲ့ အက်ပလီကေးရှင်းကို ထုတ်လုပ်ခဲ့ပြီး နည်းပညာ သူဌေးနှစ်ဦးအကြား ပြိုင်ဆိုင်မှုတွေ ပြင်းထန်လာပါတယ်။ 

Ref: Reuters