ဆော်ဒီပရိုလိဂ်ပွဲများကို ကမ္ဘာ့ဒေသအများအပြားတွင် ပြသလာ

သြဂုတ် ၄၊ ၂၀၂၃

M-Media 

-ပေါ်တူဂီတိုက်စစ်မှူး ခရစ္စတီယာနို ရောက်ရှိလာပြီးနောက်ပိုင်း ကမ္ဘာတစ်၀ှမ်းက ဒေသပေါင်း ၁၇၀ ကျော်လောက်မှာ မိမိတို့ လိဂ်ပြိုင်ပွဲကို ထုတ်လွှင်ပြသနေပြီလို့ ဆော်ဒီပရိုလိဂ် အကြီးအကဲတစ်ဦးက ပြောကြားလိုက်ပါတယ်။ 

ဆော်ဒီပရိုလိဂ်က အသင်းတွေဟာ နာမည်ကျော်ကစားသမားတွေကို အပြိုင်အဆိုင် ခေါ်ယူလာကြတာပါ။ အခုနှစ် အပြောင်းအရွှေ့ကာလအတွင်း ဘန်ဇီမာ၊ ဟန်ဒါဆန်၊ မာနေးတို့လို ကစားတွေကို ခေါ်ယူထားနိုင်ပါတယ်။ 

အလ်-ဟီလာအသင်းဟာ ပြင်သစ်တိုက်စစ်မှူး အမ်ဘက်ပေကိုတောင် ပီအက်စ်ဂျီကနေ ခေါ်ယူနိုင်ဖို့ ကမ်းလှမ်းခဲ့ပါသေးတယ်။ 

ဒီလို ငွေကြေးအမြောက်အများသုံးကာ ထိပ်တန်းကစားသမားတွေ ခေါ်ယူမှုကို လာမယ့်နှစ်တွေမှာလည်း တွေ့လာရနိုင်တယ်လို့ ဆော်ဒီပရိုလိဂ် စီမံရေးအဖွဲ့က အဖွဲ့၀င် ပီတာ ဟက်တန်က ပြောပါတယ်။ 

“ကျွန်တော် ဒီလောကမှာ ကျင်လည်လာတာ အနှစ် ၄၀ ရှိပါပြီ။ ဒီလောက် ရည်မှန်းချက်ကြီးတဲ့၊ အောင်မြင်ဖို့ ပစ်မှတ်ထားတဲ့ စီမံကိန်းမျိုး မမြင်ဖူးသေးပါဘူး” 

မန်စီးတီးနည်းပြ ပက်ဂွာဒီယိုလာကလည်း ဆော်ဒီလိဂ်ဟာ ဘောလုံးစျေးကွက်ကို ပြောင်းလဲပစ်ခဲ့ပြီး ထိပ်တန်းကစားသမားတွေ ထပ်မံပြောင်းရွှေ့မယ့် အလားအလာမျိုး မြင်နေရတယ်လို့ မှတ်ချက်ပေးခဲ့ပါတယ်။ 

ဆော်ဒီအသင်းတွေ ကစားသမား၀ယ်ယူဖို့ ငွေကြးသုံးစွဲမှုဟာ ပရီးမီးယားလိဂ်ရဲ့ ၄ ပုံ ၁ ပုံလောက်သာရှိပြီး ပရီးမီးယားလိဂ်ရဲ့ ကျော်ကြားမှုကလည်း မှေးမှိန်သွားဖို့ မရှိဘူးလို့ ဂွာဒီယိုလာက ထည့်သွင်းပြောဆိုခဲ့ပါတယ်။ 

Ref: Arab News