စက်တင်ဘာ ၃၀၊ ၂၀၂၃
M-Media
![](http://www.m-mediagroup.com/wp-content/uploads/2023/09/1000003605-1024x582.jpg)
-ဥရောပနိုင်ငံငယ်လေးတစ်ခုဖြစ်တဲ့ ကိုဆိုဗိုမှာ မငြိမ်မသက်မှုတွေ ပြန်ဖြစ်လာတာကြောင့် နေတိုးအဖွဲ့က စစ်တပ်တွေကို ထပ်တိုးချလိုက်ပါတယ်။
ကိုဆိုဗိုဟာ ဒုတိယကမ္ဘာစစ်နောက်ပိုင်း ဥရောပမှာ အကြီးမားဆုံး လူမျိုးတုန်းသတ်ဖြတ်မှု ဖြစ်ပွားခဲ့တဲ့နေရာပါ။
ဆိုဗီယက်ပြည်ထောင်စု ပြိုကွဲသွားပြီးနောက် လွတ်လပ်တဲ့နိုင်ငံတစ်ခုအဖြစ် ထူထောင်ဖို့ ကြိုးစားတဲ့ ကိုဆိုဗိုကို ဆားဘီးယားနိုင်ငံက ၀င်ရောက်တိုက်ခိုက်ခဲ့ပြီး အလ်ဘေးနီးယားတွေ၊ ခရိုအက်တွေနဲ့ အခြား ဆားဘီးယားလူမျိုး မဟုတ်တဲ့သူတွေကို အစုလိုက်အပြုံလိုက် သတ်ဖြတ်ခဲ့ပါတယ်။
၂၀၀၈ ခုနှစ်မှာ ကိုဆိုဗိုဟာ လွတ်လပ်ရေး ကြေငြာနိုင်ခဲ့ပါတယ်။
ပြီးခဲ့တဲ့လတွေအတွင်း ဆားဘီးယားလူမျိုးအများစုရှိတဲ့ ကိုဆိုဗိုက ဒေသတွေမှာ လက်နက်ကိုင်တိုက်ခိုက်မှုတွေ ပေါ်ပေါက်လာပါတယ်။
ကိုဆိုဗို၀န်ကြီးချုပ် အလ်ဘင် ကူရ်တီက အကြမ်းဖက်အဖွဲ့အစည်းတွေရဲ့ နောက်ကွယ်မှာ ဆားဘီးယားအစိုးရ ပါ၀င်ပတ်သက်နေတယ်လို့ ပြောကြားထားပါတယ်။
ဆားဘီးယားကလည်း ကိုဆိုဗိုနဲ့ကပ်နေတဲ့ နယ်စပ်မှာ စစ်ပြင်ဆင်မှုတွေ လုပ်လာပါတယ်။
နယ်စပ်မှာ ထပ်တိုးချထားတဲ့ စစ်အင်အားကို ရုပ်သိမ်းပေးဖို့ အမေရိကန်က ဆားဘီးယားကို တောင်းဆိုထားပါတယ်။
ကိုဆိုဗိုကို ကာကွယ်ပေးရေး တာ၀န်ယူထားထဲ့ နေတိုးအဖွဲ့က တပ်တွေ ထပ်တိုးချထားမယ်လို့ ပြီးခဲ့တဲ့ရက်ပိုင်းမှာ ထုတ်ပြန်ပါတယ်။
၀န်ကြီးချုပ် ကူရ်တီက နေတိုးအဖွဲ့ရဲ့ ဒီဆုံးဖြတ်ချက်ကို ကြိုဆိုကြောင်း ပြောကြားခဲ့ပါတယ်။
ဆားဘီးယားဟာ လွန်ခဲ့တဲ့ နှစ် ၃၀ အခြေအနေကို ပြန်သွားချင်နေပြီး ဒီလို ထပ်မဖြစ်အောင် ကြိုးစားသွားမယ်လို့လည်း ကူရ်တီက ဆိုပါတယ်။
Ref: BBC
Comments