ဘာလီကျွန်းတွင် အင်ဒိုက မြေအောက်ရထားလိုင်း တည်ဆောက်မည်

စက်တင်ဘာ ၃၀၊ ၂၀၂၃

M-Media 

-ကမ္ဘာ့လှည့်ခရီးသွားတွေနဲ့ စည်ကားတဲ့ ဘာလီကျွန်းမှာ LRT ရထားလိုင်းဆောက်လုပ်ဖို့ အင်ဒိုနီးရှားက စီစဥ်နေပါတယ်။ 

မြို့အတွင်း ကားအလွန်အကျွံပိတ်မှုကို ဖြေရှင်းဖို့ ဖြစ်ပါတယ်။ 

မြေအောက်ရထားလမ်းကို ဘာလီလေဆိပ်၊ လူစည်ကားတဲ့ ကျန်ဂူ၊ ဆမီညက် မြို့နယ်တွေနဲ့ ဆက်သွယ်ထားမှာပါ။ 

“LRT က မြေအောက်ကနေ သွားမှာဖြစ်တဲ့အတွက်ကြောင့် ၂၀၂၅၊ ၂၀၂၆ လောက်မှာ ဘာလီလေဆိပ်အ၀င်အထွက် ကားပိတ်မှုကို ဖြေရှင်းနိုင်မှာ ဖြစ်ပါတယ်။ ဒီလိုမှမလုပ်ရင် ၂၀၂၆ ရောက်တဲ့အခါ လေဆိပ်မှာတင် ၃ နာရီလောက် ကြာနေမှာ ဖြစ်ပါတယ်” လို့ အစိုးရ တာ၀န်ရှိသူ လူဟွတ် ပန်ဂျိုင်တန်က ပြောပါတယ်။ 

စီမံကိန်းကို တောင်ကိုရီးယား၊ ဂျပန်နဲ့ တရုတ်နိုင်ငံတို့က လုပ်ကိုင်ဖို့ စိတ်၀င်စားနေကြပါတယ်။

အင်ဒိုနီးရှားဟာ မြို့တော် ဂျကာတာမှာ LRT ရထားလိုင်းကို မကြာသေးခင်က ဖွင့်လှစ်ခဲ့ပါတယ်။ 

မြို့တော် ဂျကာတာကနေ ဂျာဗားကျွန်းမြို့တော် ဘန်ဒုန်းကို ဆက်သွယ်မယ့် အမြန်ရထားလိုင်းတစ်ခုကိုလည်း အင်ဒိုနီးရှားက လာမယ့်တစ်ပတ်မှာ ဖွင့်လှစ်မှာဖြစ်ပါတယ်။ 

ဒီရထားလိုင်းအတွက် တရုတ်က ငွေကြေးပံ့ပိုးပေးတာပါ။ 

Ref: CNA