ဓာတုဗေဒနိုဘယ်ဆုကို ဆွတ်ခူးခဲ့သည့် တူနီးရှားနွယ်ဖွား ပညာရှင် မွန်ဂီ ဘာ၀မ်ဒီ

အောက်တိုဘာ ၇၊ ၂၀၂၃

M-Media 

-၂၀၂၃ ခုနှစ်အတွက် ဓာတုဗေဒဆိုင်ရာ နိုဘယ်ဆုကို အမေရိကန် သိပ္ပံပညာရှင် ၃ ဦးက ရရှိသွားပါတယ်။ 

မွန်ဂီ ဘာ၀မ်ဒီ၊ လူး၀စ်ဘရုစ်နဲ့ အလက်စီ အီကီမော့ဗ်တို့ဖြစ်ပြီး ကွမ်တမ်အမှုန်တွေရဲ့ ဆက်စပ်ပေါင်းစည်းမှု သဘောသဘာ၀ကို ဖော်ထုတ်နိုင်ခဲ့တာကြောင့် ဆုရခဲ့တာဖြစ်ပါတယ်။ 

သူတို့ ၃ ဦးရဲ့ တွေ့ရှိမှုဟာ အလွန်သေးငယ်တဲ့ အာရုံခံစနစ်တွေ၊ ဆိုလာဆဲတွေတည်ဆောက်မှု၊ ပုံဖျက်ထားနိုင်တဲ့ ကွမ်တမ်ဆက်သွယ်ရေးစနစ် ဖွံ့ဖြိုးလာမှုမှာ အထောက်အကူ ဖြစ်စေခဲ့တယ်လို့ သုတေသနပညာရှင်တွေက ပြောပါတယ်။ 

မွန်ဂီ ဘာ၀မ်ဒီဟာ တူနီးရှားနွယ်ဖွား ဓာတုဗေဒပညာရှင်တစ်ယောက်ဖြစ်ပြီး မက်ဆာချူးဆက် နည်းပညာတက္ကသိုလ်မှာ ဖရော်ဖက်ဆာအဖြစ် ဆောင်ရွက်နေပါတယ်။ 

ဖခင် မိုဟာမက် ဆာလာ ဘာ၀မ်ဒီက သင်္ချာပညာရှင်တစ်ယောက်ဖြစ်ပါတယ်။ မွန်ဂီကို ပြင်သစ်နိုင်ငံ ပဲရစ်မြို့မှာ မွေးဖွားပါတယ်။ 

မွန်ဂီ ငယ်ငယ်ကတည်းကပဲ သူတို့မိသားစုဟာ အမေရိကန်ကို ပြောင်းရွှေ့လာခဲ့ကြပါတယ်။ ဟားဗတ်တက္ကသိုလ်ကနေ ၁၉၈၂ ခုနှစ်မှာ ၀ိဇ္ဇာဘွဲ့၊ ၁၉၈၃ ခုနှစ်မှာ မဟာဘွဲ့ ရရှိခဲ့ပြီး ၁၉၈၈ မှာတော့ ချီကာဂိုတက္ကသိုလ်ကနေ ဓာတုဗေဒဆိုင်ရာ ဒေါက်တာဘွဲ့ ရရှိခဲ့ပါတယ်။ 

ဓာတုဗေဒ သုတေသနနယ်ပယ်မှာ မွန်ဂီဟာ အလွန်ကျော်ကြားပါတယ်။ ၂၀၀၀ ခုနှစ်ကနေ ၂၀၁၀ ခုနှစ်အတွင်း ဓာတုဗေဒနဲ့ သက်ဆိုင်တဲ့ စာအုပ်၊ စာတမ်းတွေ အများစုမှာ သူ့ရဲ့ တွေ့ရှိချက်တွေကို အဓိကထား ကိုးကားဖော်ပြခဲ့ရပါတယ်။ 

နိုဘယ်ဆုရရှိစေခဲ့တဲ့ ကွမ်တမ်အမှုန်ဆိုင်ရာ သုတေသနကိုလည်း မွန်ဂီက အဓိက ဦးဆောင်တာဖြစ်ပါတယ်။ 

Ref: NY Times