ဂါဇာပြည်များအား အကူအညီပေးရေး လုံခြုံရေးကောင်စီ၏ ဆုံးဖြတ်ချက်ကို အမေရိကန်ပယ်ချ

အောက်တိုဘာ ၁၉၊ ၂၀၂၃

M-Media 

-ဒုက္ခရောက်နေတဲ့ ပါလက်စတိုင်းပြည်သူတွေကို အကူအညီပေးနိုင်ရေး တိုက်တွန်းတဲ့ ကုလ လုံခြုံရေးကောင်စီရဲ့ ဆုံးဖြတ်ချက်ကို အမေရိကန်က ဗုဒ္ဓဟူးနေ့မှာ ဗီတိုသုံး ပယ်ချလိုက်ပါတယ်။ 

အဲဒီဆုံးဖြတ်ချက်မှာ ပါလက်စတိုင်းတော်လှန်ရေးအဖွဲ့ ဟားမက်စ်ကို ရှုတ်ချထားပြီး၊ ဂါဇာမှာ အစ္စရေးကလုပ်နေတဲ့ တိုက်ခိုက်မှုတွေ ရပ်ဆိုင်းဖို့ တောင်းဆိုထားတာပါ။

ကောင်စီ၀င် ၁၅ နိုင်ငံအနက် ၁၂ နိုင်ငံက ထောက်ခံမဲပေးခဲ့ပြီး၊ ရုရှားနဲ့ ယူကေတို့က ကြားနေခဲ့ကာ၊ အမေရိကန်က ဗီတိုသုံးပြီး ပယ်ချခဲ့ပါတယ်။ 

ဒီဆုံးဖြတ်ချက်ကို ဘရာဇီးလ်နိုင်ငံက တင်သွင်းတာဖြစ်ပြီး အရပ်သားတွေအပေါ် ပြုမူတဲ့ အကြမ်းဖက်မှုအားလုံးကို ရှုတ်ချကြောင်း ရေးသားထားပါတယ်။ 

အောက်တိုဘာ ၆ ရက်နေ့ ဟားမက်စ်ရဲတိုက်ခိုက်မှုကို တုန့်ပြန်တဲ့အနေနဲ့ အစ္စရေးဟာ ဂါဇာကမ်းမြှောင်ကို လေကြောင်းကနေ တိုက်ခိုက်မှု တောက်လျှောက်ပြုလုပ်ခဲ့ပြီး အနည်းဆုံး ပါလက်စတိုင်းပြည်သူ ၃၄၀၀ ကျော် သေဆုံးကာ ၁၂၀၀၀ ကျော် ဒဏ်ရာရရှိခဲ့ပါတယ်။ 

အစ္စရေးဟာ လူနေအိမ်တွေ၊ ဒုက္ခသည်စခန်းတွေ၊ ကျောင်းတွေ၊ ဆေးရုံတွေလို နေရာတွေကို အဓိက ပစ်မှတ်ထား တိုက်ခိုက်တဲ့အတွေ အရပ်သားတွေ သေဆုံးမှု များပြားတာ ဖြစ်ပါတယ်။ 

Ref: Aljazeera