ဂါဇာတွင် အသတ်ခံရသူ ၄၃၀၀ ကျော်ပြီ

အောက်တိုဘာ ၂၂၊ ၂၀၂၃

M-Media 

-ပါလက်စတိုင်းနိုင်ငံ ဂါဇာကမ်းမြှောင်ဒေသမှာ အစ္စရေးရဲ့ တိုက်ခိုက်သတ်ဖြတ်မှုကြောင့် သေဆုံးသူအရေအတွက်ဟာ အောက်တိုဘာ ၂၁ ရက်နေ့အထိ ၄၃၈၅ ဦး ရှိပြီလို့ သိရပါတယ်။ 

သေဆုံးသူတွေထဲက ၇၀ ရာခိုင်နှုန်းဟာ အမျိုးသမီးနဲ့ ကလေးငယ်တွေပါ။ ဒဏ်ရာရသူအရေအတွက်က ၁၃၀၀၀ ကျော်ရှိပါတယ်။ 

ကလေးငယ် ၇၂၀ အပါအ၀င် ပျောက်ဆုံးနေသူ ၁၄၀၀ ကျော်ရှိပါတယ်။ 

အောက်တိုဘာ ၇ ရက်နေ့ ပါလက်စတိုင်း တော်လှန်ရေးအဖွဲ့ ဟားမက်စ်က အစ္စရေးထဲ ၀င်ရောက်တိုက်ခိုက်ပြီးနောက်ပိုင်း အစ္စရေးက ဂါဇာမှာရှိတဲ့ ပါလက်စတိုင်းပြည်သူတွေကို ဦးတည် တိုက်ခိုက်လာတာ ဖြစ်ပါတယ်။ 

ဟားမက်စ်လက်ချက်ကြောင့် သေဆုံးသူ ၁၄၀၀ ကျော် ရှိတယ်လို့ အစ္စရေးက ထုတ်ပြန်ပါတယ်။ 

အစ္စရေးဟာ ဂါဇာပြည်သူတွေကို အစာဖြတ်၊ ရေဖြတ်၊ လောင်စာဖြတ်၊ မီးဖြတ်မှု လုပ်ဆောင်ထားပြီး ဆေးရုံတွေ၊ ကျောင်းတွေ၊ စစ်ဘေးရှောင်တွေ ခိုလှုံနေတဲ့ နေရာတွေကိုလည်း တိုက်ခိုက်မှုတွေ လုပ်ဆောင်နေပါတယ်။ 

အီဂျစ်နိုင်ငံ ကိုင်ရိုင်မြို့မှာ ငြိမ်းချမ်းရေး ဆွေးနွေးပွဲတစ်ခုလုပ်ဖို့ ပြင်ဆင်နေပြီး တင်းမာမှုတွေကို လျှော့ချဖို့ ဖြစ်ပါတယ်။ 

Ref: Aljazeera