လူ ၁၈ ယောက်သတ်ဖြတ်ခဲ့သည့် ကန်လူသတ်သမားကို သေဆုံးလျက်တွေ့

အောက်တိုဘာ ၂၈၊ ၂၀၂၃
M-Media 

-ဗုဒ္ဓဟူးနေ့က မိန်းမြို့မှာ ပစ်ခတ်မှုလုပ်ခဲ့တဲ့ သေနတ်သမားကို သောကြာနေ့ညပိုင်းမှာ သေဆုံးလျက် တွေ့ရှိခဲ့တယ်လို့ ကန်ရဲတပ်ဖွဲ့က ထုတ်ပြန်ပါတယ်။ 

အသက် ၄၀ အရွယ် အမေရိကန်စစ်သားဟောင်း ရောဘတ်ကတ် ဆိုသူဟာ မိန်းမြို့က ဘားတစ်ခုနဲ့ ဘိုလင်းရုံတစ်ခုတို့မှာ သေနတ်နဲ့ ပစ်ခတ်မှု ပြုလုပ်ခဲ့ပြီး အသက် ၁၄ နှစ်ကနေ ၇၆ နှစ်အရွယ် လူ ၁၈ ဦးသေဆုံးကာ အများအပြား ဒဏ်ရာရရှိခဲ့ပါတယ်။ 

ရောဘတ်ကတ်ကို ပိုက်စိပ်တိုက် လိုက်လံရှာဖွေရာမှာ ပစ်ခတ်မှုဖြစ်ပွားတဲ့ မိန်းမြို့နဲ့ သိပ်မ၀ေးတဲ့ လစ္စဘွန်းမြို့မှာ အလောင်းကို တွေ့ရှိခဲ့တယ်လို့ ရဲတပ်ဖွဲ့က ထုတ်ပြန်ပါတယ်။ 

မိမိကိုယ်ကို ပစ်ထားတယ်လို့ ယူဆရတဲ့ ဒဏ်ရာနဲ့ သေဆုံးနေတာလို့ ဆိုပါတယ်။ ရောဘတ်ကတ်ဟာ သူပိုင်ဆိုင်တဲ့နေအိမ်မှာ စာတစ်စောင် ချန်ထားခဲ့ပေမယ့် တိုက်ခိုက်မှုလုပ်ရပ်တဲ့ အကြောင်းအရင်းကို ရေးမထားဘူးလို့ ရဲတပ်ဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။ 

Ref: BBC