စစ်ရှောင်များ ခိုလှုံနေသည့် စာသင်ကျောင်းကို အစ္စရေးက ဗုံးကြဲ

နို၀င်ဘာ ၄၊ ၂၀၂၃

M-Media 

-ဂါဇာမြောက်ပိုင်း ဂျာဘာလီယာ ဒုက္ခသည်စခန်းက အလ် ဖက္ကဟူရာ စာသင်ကျောင်းကို အစ္စရေးက ဗုံးကြဲတိုက်ခိုက်ခဲ့တာကြောင့် အနည်းဆုံး ၁၅ ဦး သေဆုံးပြီး ၅၀ ကျော် ဒဏ်ရာရှိခဲ့ပါတယ်။ 

စာသင်ကျောင်းကို ကုလသမဂ္ဂက စီမံနေတာဖြစ်ပြီး စစ်ရှောင်တွေ အဓိက ခိုလှုံရာနေရာပါ။ တိုက်ခိုက်မှုကြောင့် သေဆုံး ဒဏ်ရာရသူတွေဟာ အမျိုးသမီးတွေနဲ့ ကလေးငယ်တွေ ဖြစ်ပါတယ်။ 

“အမျိုးသမီးတွေနဲ့ ကလေးတွေ စာသင်ကျောင်း ရင်ပြင်မှာ ထိုင်နေတဲ့အချိန် ပစ်ခံလိုက်ရတာပါ။ သေဆုံးသူတွေဟာ အရိုး၊ အသား တစ်စစီဖြစ်သွားပြီး ပလက်စတစ်အိတ်နဲ့ လိုက်ကောက်ထည့်ခဲ့ ရပါတယ်”လို့ ပါလက်စတိုင်း ကျန်းမာရေး၀န်ကြီးဌာန ပြောရေးဆိုခွင့်ရှိသူ အက်ရှ်ရက်ဖ် အလ်ကွဒ်ရာက ပြောပါတယ်။ 

သောကြာနေ့တစ်ရက်တည်း ဂါဇာမှာ အစ္စရေးရဲ့ သတ်ဖြတ်မှုကြောင့် အနည်းဆုံး ၂၃၁ ဦး သေဆုံးခဲ့ပြီး အောက်တိုဘာ ၇ ရက်နေ့ နောက်ပိုင်း ဂါဖာမှာ အစ္စရေးရဲ့ သတ်ဖြတ်မှုကို ခံရသူ စုစုပေါင်း ၉၄၈၈ ဦး ရှိလာပြီ ဖြစ်ပါတယ်။ 

အဲဒီအထဲက ၃၉၀၀ ဟာ ကလေးငယ်တွေ ဖြစ်ပါတယ်။ 

Ref: Aljazeera