အစ္စရေးကို ဆန့်ကျင်ရှုတ်ချမှုကလွဲ၍ ဘာမှ မတတ်နိုင်သည့် အာရပ်နိုင်ငံများ

နို၀င်ဘာ ၁၂၊ ၂၀၂၃

M-Media 

-ဂါဇာက တိုက်ခိုက်သတ်ဖြတ်မှုတွေဟာ ကိုယ့်ကိုယ်ကို ခုခံကာကွယ်မှုလို့ အစ္စရေးရဲ့ ပြောဆိုမှုကို လက်မခံဘူးလို့ အာရပ်နိုင်ငံတွေက ပြောကြားလိုက်ပါတယ်။ 

အာရပ်နဲ့ အခြား အစ္စလာမ့်မစ် နိုင်ငံတွေဟာ နို၀င်ဘာ ၁၁ ရက်နေ့က ဆော်ဒီအာရေဗျမှာ ထိပ်သီးအစည်းအ၀ေးတစ်ခု ကျင်းပကာ ဂါဇာကမ်းမြှောင်ကိစ္စကို ဆွေးနွေးခဲ့ကြပါတယ်။ 

ဂါဇာမှာ အစ္စရေးရဲ့ တိုက်ခိုက်သတ်ဖြတ်မှုတွေဟာ စစ်ရာဇ၀တ်မှုမြောက်ပြီး၊ လူမဆန် ရက်စက်ကြမ်းကြုတ်တဲ့ လုပ်ရပ်တွေဖြစ်တယ်လို့ အစည်းအ၀ေးအပြီး ထုတ်ပြန်တဲ့ ကြေငြာချက်မှာ ဖော်ပြထားပါတယ်။ 

အစ္စရေးက ဂါဇာကို ပိတ်ဆို့ထားမှု အဆုံးသတ်ရေး၊ လူသားချင်း စာနာထောက်ထားမှုဆိုင်ရာ အကူအညီတွေ ၀င်ခွင့်ပေးရေး၊ အစ္စရေးကို လက်နက်ရောင်းချမှု ပိတ်ပင်ရေး အစည်းအ၀ေးမှာ တောင်းဆိုခဲ့သလို၊ ဂါဇာမှာ အစ္စရေးရဲ့ ကျူးကျော်သတ်ဖြတ်မှုတွေကို တားဆီးရေးအတွက် ခိုင်မာတဲ့ ဆုံးဖြတ်ချက်တစ်ခု ထွက်ပေါ်လာနိုင်ရေး ကုလလုံခြုံရေးကောင်စီက ဆောင်ရွက်ပေးဖို့လည်း တိုက်တွန်းခဲ့ပါတယ်။ 

အစည်းအ၀ေးကို အာရပ် ၂၂ နိုင်ငံနဲ့ အိုအိုင်စီအဖွဲ့၀င်နိုင်ငံတစ်ချို့ တက်ရောက်ခဲ့ကြပါတယ်။ 

Ref: Aljazeera