တရားမ၀င်ဂျူးများ၏ အကြမ်းဖက်မှုကို တားဆီးရန် အစ္စရေးအား အမေရိကန်တိုက်တွန်း

နို၀င်ဘာ ၁၇၊ ၂၀၂၃

M-Media 

-ပါလက်စတိုင်းပိုင်နက် အနောက်ဖက်ကမ်းမှာ တရားမ၀င် အခြေချနေထိုင်နေတဲ့ ဂျူးတွေရဲ့ ပါလက်စတိုင်းတွေအပေါ် အကြမ်းဖက်တိုက်ခိုက်မှုတွေ ရပ်တန့်ရေး ဆောင်ရွက်ဖို့ အစ္စရေးကို အမေရိကန်နိုင်ငံခြားရေး၀န်ကြီး အန်တိုနီ ဘလင်ကန်က ပြောကြားလိုက်ပါတယ်။ 

အစ္စရေး စစ်ကောင်စီအဖွဲ့၀င်တစ်ဦးဖြစ်တဲ့ ဘန်နီဂန့်ဇ်နဲ့ မနေ့က ဖုန်းပြောဆိုမှုအတွင်း တရားမ၀င်ဂျူးတွေတဲ့ အကြမ်းဖက်မှု အပါအ၀င် အနောက်ဖက်ကမ်းမှာ မြင့်တက်လာတဲ့ တင်းမာမှုတွေကို လျှော့ချရေး ထိရောက်တဲ့ ဆောင်ရွက်ချက်တွေ ချက်ခြင်း လိုအပ်နေတဲ့အကြောင်း အလေးထား ပြောကြားခဲ့တယ်လို့ ဆိုပါတယ်။ 

ဟားမက်စ်ရဲ့ အောက်တိုဘာ ၇ ရက်နေ့ တိုက်ခိုက်မှုကို တုန့်ပြန်တယ်ဆိုတဲ့ ခေါင်းစဥ်နဲ့ ဂါဇာကမ်းမြှောင်က ပါလက်စတိုင်းပြည်သူတွေကို အစ္စရေးက တိုက်ခိုက်သတ်ဖြတ်နေတဲ့အချိန် အနောက်ဖက်ကမ်းမှာလည်း ပါလက်စတိုင်းတွေ သတ်ဖြတ်ခံရမှု တိုးလာပါတယ်။ 

အောက်တိုဘာ ၇ ရက်နေ့မတိုင်ခင်က အနောက်ဖက်ကမ်းမှာ အစ္စရေးတပ်ဖွဲ့နဲ့ တရားမ၀င်ဂျူးတွေရဲ့ တိုက်ခိုက်မှုဟာ ပျမ်းမျှ တစ်ရက်ကို ၃ ခု ရှိနေရာကနေ၊ နောက်ပိုင်းမှာ တစ်ရက်ကို ၇ ခုအထိ မြင့်တက်လာခဲ့ပါတယ်။ 

ပါလက်စတိုင်းတွေရဲ့ နယ်မြေကို တရားမ၀င်ဂျူးတွေက အကြမ်းဖက် သိမ်းယူမှုတွေလည်း မြင့်တက်လာပါတယ်။

အောက်တိုဘာ ၇ ရက်နေ့နောက်ပိုင်း အနောက်ဖက်ကမ်းမှာ အစ္စရေးတပ်ဖွဲ့နဲ့ တရားမ၀င်ဂျူးတွေရဲ့ အကြမ်းဖက်မှုကြောင့် သေဆုံးသူ ပါလက်စတိုင်းအရေအတွက်ဟာ ရာနဲ့ချီ ရှိလာပြီဖြစ်ပါတယ်။ 

Ref: Aljazeera