အနောက်ဖက်ကမ်းမှာ ပါလက်စတိုင်းတွေကို ပိုဒုက္ခပေးလာတဲ့ အစ္စရေး

နို၀င်ဘာ ၂၆၊ ၂၀၂၃

M-Media

-ဂါဇာမှာ ၄ ရက်ကြာ အပစ်ရပ်ထားတဲ့အချိန် ပါလက်စတိုင်းပိုင်နက် နောက်တစ်ခုဖြစ်တဲ့ အနောက်ဖက်ကမ်းမှာ အစ္စရေးဟာ တိုက်ခိုက်သတ်ဖြတ်မှုတွေ ပိုမိုလုပ်ဆောင်လာပါတယ်။ 

နေအိမ်တွေကို ၀င်ရောက်ကာ ဓားစားခံဖမ်းဆီးမှုတွေ ပိုများလာခဲ့ပြီး ဆေးရုံတွေကိုလည်း အစ္စရေးစစ်သားတွေက စီးနင်းပိတ်ဆို့မှုတွေ လုပ်ဆောင်လာပါတယ်။ 

အနောက်ဖက်ကမ်းက ဂျီနင် အစိုးရဆေးရုံနဲ့ အစ်ဗနေ့ဆီနာ ဆေးရုံတို့ကို အစ္စရေးစစ်ရေးစစ်တပ်က ၀ိုင်းပတ် ပိတ်ဆို့ထားကြောင်း ပါလက်စတိုင်း လခြမ်းနီအဖွဲ့က ထုတ်ပြန်ပါတယ်။ 

ဒဏ်ရာရသူတွေကို သွားရောက် အကူအညီမပေးနိုင်အောင် ဆေးရုံတွေရဲ့ အရေးပေါ်ဌာနကို အစ္စရေးစစ်သားတွေက နှောက်ယှက်နေကြတယ်လို့လည်း လခြမ်းနီအဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။ 

အစ္စရေးဟာ ဂါဇာမှာလည်း ဆေးရုံတွေကို တိုက်ခိုက်ဖျက်ဆီးခဲ့ပါတယ်။ အဓိကဆေးရုံတစ်ခုဖြစ်တဲ့ အလ်ရှီဖာဆေးရုံမှာ ဟားမက်စ်ဌာနချုပ် ရှိတယ်လို့ဆိုကာ ၀င်ရောက်စီးနင်း ဖျက်ဆီးပြီး ရေလှောင်ကန်ကို ဟားမက်စ်လှိုင်ခေါင်းဆိုပြီး လိမ်လည်ထုတ်ပြန်ခဲ့ပါတယ်။ 

Ref: Aljazeera