အစ္စရေး၏ ရာဇ၀တ်မှုကို နိုင်ငံတကာက စုံစမ်းစစ်ဆေးရန် ကာတာ တိုက်တွန်း

ဒီဇင်ဘာ ၄၊ ၂၀၂၃

M-Media 

-ဂါဇာမှာ အစ္စရေးက ကျူးလွန်နေတဲ့ ရာဇ၀တ်မှုတွေကို နိုင်ငံတကာအသိုင်းအ၀ိုင်းက စုံစမ်းစစ်ဆေးဖို့ အစ္စရေးနဲ့ ဟားမက်စ်တို့အကြား အပစ်ရပ်ရေး အဓိကညှိနှိုင်းပေးနေတဲ့ ကာတာနိုင်ငံက တောင်းဆိုလိုက်ပါတယ်။ 

အလ်ဂျာဇီးရားသတင်းဌာနနဲ့ မနေ့က အင်တာဗျူးမှာ ကာတာ ၀န်ကြီးချုပ် ရှိခ် မိုဟာမက် ဘင် အဘ်ဒူလ်ရဟ်မန် ဘင် ဂျာဆင် အလ်သာနီက အစ္စရေးရဲ့ လုပ်ရပ်တွေနဲ့ပတ်သက်ပြီး ၀ေဖန်ပြောဆိုခဲ့ပါတယ်။ 

အစ္စရေးဟာ ဂါဇာမှာ ရာဇ၀တ်မှုတွေကို ကျူးလွန်နေပြီး နိုင်ငံတကာအသိုင်းအ၀ိုင်းက လွတ်လပ်တဲ့ စုံစမ်းစစ်ဆေးမှုမျိုး အလျင်အမြန်လုပ်သင့်တယ်လို့ အလ်သာနီက ဆိုပါတယ်။ 

ကာတာရဲ့ ကြား၀င်စေ့စပ်မှုကြောင့် အစ္စရေးနဲ့ ဟားမက်စ်တို့အကြား ပြီးခဲ့တဲ့တစ်ပတ်က ၇ ရက်တာ အပစ်ရပ်စဲခဲ့ကြပြီး ဟားမက်စ်ဖက်က ဓားစားခံ ၈၀၊ အစ္စရေးဖက်က ဓားစားခံ ၂၄၀ အသီးသီး ပြန်လွှတ်ပေးခဲ့ကြပါတယ်။ 

အပစ်ရပ်ရေးဟာ သောကြာနေ့မှာ အဆုံးသတ်ခဲ့ပြီး အစ္စရေးက သူတို့ရဲ့ ကိုယ်စားလှယ်အဖွဲ့ကို ပြန်ခေါ်ကာ ဂါဇာမှာ တိုက်ခိုက်မှုတွေ ပြန်လုပ်နေပါတယ်။ ပြီးခဲ့တဲ့ ၂၄ နာရီအတွင်း ပါလက်စတိုင်းပြည်သူ အနည်းဆုံး ၇၀၀ လောက် အသတ်ခံခဲ့ရပါတယ်။ 

အလ်သာနီကတော့ အစ္စရေးနဲ့ ဟားမက်စ်တို့အကြား အပစ်ရပ်ရေး ဆက်လက်ကြိုးပမ်းသွားမယ်လို့ ထည့်သွင်းပြောဆိုခဲ့ပါတယ်။ 

Ref: Aljazeera