ဇန်န၀ါရီ ၁၄ ရက်နေ့တွင် ထီးနန်းစွန့်တော့မည့် ဒိန်းမတ်ဘုရင်မ

ဇန်န၀ါရီ ၁၊၂၀၂၃

M-Media

-၅၂ နှစ်တာ ထီးနန်းစိုးစံခဲ့ပြီးတဲ့နောက် ဇန်န၀ါရီ ၁၄ ရက်နေ့မှာ နန်းစွန့်တော့မယ်လို့ ဒိန်းမတ်ဘုရင်မ မာဂရတ် ၂ က နှစ်သစ်ကူးမိန့်ခွန်းမှာ ထည့်သွင်းကြေငြာလိုက်ပါတယ်။ 

ထီးနန်းကို သားအကြီးဖြစ်တဲ့ အိမ်ရှေ့မင်းသား ဖက်ဒရစ်က ဆက်ခံမယ်လို့လည်း ဘုရင်မက ဆိုပါတယ်။ 

ဘုရင်မမာဂရတ်ဟာ သက်တော် ၈၃ နှစ် ရှိပါပြီ။ ၁၉၇၂ ခုနှစ်ကတည်းက ထီးနန်းစိုးစံလာခဲ့တာဖြစ်ပြီး ၂၀၂၂ ခုနှစ် စက်တင်ဘာမှာ နတ်ရွာစံခဲ့တဲ့ အင်္ဂလန်ဘုရင်မကြီး အဲလိဇဘတ် ၂ ပြီးတဲ့နောက် ဥရောပမှာ နန်းသက်အရှည်ဆုံး နိုင်ငံဦးသျှောင်ဖြစ်ပါတယ်။ 

၂၀၂၃ ခုနှစ် ဖေဖော်၀ါရီလ ကျောကုန်းခွဲစိပ်ခဲ့ရမှုက နန်းစွန့်ဖို့ စဥ်းစားခဲ့ရတဲ့ အကြောင်းအရင်းဖြစ်တယ်လို့ ဘုရင်မကြီး မာဂရတ်က ထည့်သွင်းပြောကြားခဲ့ပါတယ်။ 

“ဒီခွဲစိပ်မှုကြောင့် တာ၀န်၀တ္တရားတွေကို မျိုးဆက်သစ်တွေဆီ လွှဲပေးရတော့မယ့်အချိန် ရောက်နေပြီလားဆိုတဲ့ အနာဂတ်အတွက် အတွေးတွေ အများကြီး ပေါ်လာတယ်။ အခုတော့ အချိန်ကျပြီလို့ ဆုံးဖြတ်ခဲ့ပါတယ်။ ချစ်လှစွာသော ခမည်းတော်ရဲ့ အရိုက်အရာကို ၅၂ နှစ်တာ ဆက်ခံခဲ့ပြီးတဲ့နောက် ၂၀၂၄ ခုနှစ် ဇန်န၀ါရီ ၁၄ ရက်မှာ ဒိန်းမတ်နိုင်ငံ ဘုရင်မဘွဲ့ကို စွန့်လွှတ်ပါတော့မယ်။ သားတော် အိမ်ရှေ့မင်းသား ဖက်ဒရစ်က အရိုက်အရာကို ဆက်ခံမှာ ဖြစ်ပါတယ်”

ဘုရင်မ မာဂရတ်ဟာ ဒိန်းမတ်ပြည်သူတွေရဲ့ ချစ်ခင်မြတ်နိုးမှုကို ခံရသူတစ်ဦးလည်း ဖြစ်ပါတယ်။ 

Ref: Reuters