ကိုလိုနီအစ္စရေး၏ သွေးခွဲရန်အကြံကို လက်မခံဟု ပါလက်စတိုင်း လူမျိုးစုများထုတ်ပြန်

ဇန်န၀ါရီ ၂၊ ၂၀၂၃

M-Media 

-ဂါဇာကမ်းမြှောင်ကို ဒေသတွေခွဲပြီး လူမျိုးစုတွေကို အုပ်ချုပ်ခိုင်းကာ နောက်ကွယ်ကနေ ချုပ်ကိုင်ထားမယ့် အစ္စရေးရဲ့ အကြံအစည်ကို လက်မခံဘူးလို့ ပါလက်စတိုင်းလူမျိုးစုတွေက ထုတ်ပြန်ပါတယ်။ 

အောက်တိုဘာ ၇ ရက်နေ့ ဂါဇာမှာစတင်တဲ့ အစ္စရေးရဲ့ လူသတ်ပွဲကြောင့် သေဆုံးသူ ပါလက်စတိုင်းအရေအတွက်ဟာ ၂၂၀၀၀ ရှိလာပြီ ဖြစ်ပါတယ်။ 

အစ္စရေးဟာ ဂါဇာက ပါလက်စတိုင်းတွေကို အီဂျစ်ပိုင်နက်ထဲ အပြီးမောင်းထုတ်ဖို့ စီစဥ်နေတယ်ဆိုတဲ့ သတင်းတွေ ထွက်နေသလို၊ ဂါဇာကို အပိုင်းတွေပိုင်းကာ ပါလက်စတိုင်းလူမျိုးစုတွေထံ ခွဲ၀ေအုပ်ချုပ်ခိုင်းမယ်ဆိုတဲ့ သတင်းတစ်ခုလည်း အခုရက်ပိုင်းမှာ ထွက်လာပါတယ်။ 

လူမျိုးစုတွေအကြား သွေးကွဲစေမယ့် လက်၀ေခံ အုပ်ချုပ်ခိုင်းမှု စနစ်ကို လက်မခံဘူးလို့ ပါလက်စတိုင်း လူမျိုးစုကောင်စီက ဒီကနေ့မှာ ထုတ်ပြန်ပါတယ်။ 

“ကျူးကျော်သိမ်းပိုက်သူတွေဟာ ဂါဇာမှာ သူတို့ရဲ့ ကျရှုံးမှုကို ဖုံးကွယ်ဖို့နဲ့ ပါလက်စတိုင်း လူ့အဖွဲ့အစည်းမှာ ရှုပ်ထွေးမှုတွေ၊ ပြဿနာတွေ ဖန်တီးဖို့ လုပ်ဆောင်တာပါ” လို့ လူမျိုးစုကောင်စီရဲ့ ကော်မရှင်နာမင်းကြီး အက်ဖ် အလ်-မတ်စ်ဆာရီက ပြောပါတယ်။ 

ပါလက်စတိုင်း တော်လှန်ရေးအဖွဲ့တွေဖြစ်တဲ့ ဟားမက်စ်နဲ့ ဖာတာတို့အကြား အကွဲအပြဲတွေကို အဆုံးသတ်ကာ ညီညွတ်တဲ့ အမျိုးသားခေါင်းဆောင်မှုတစ်ရပ် ပေါ်ပေါက်လာဖို့လည်း သူက တိုက်တွန်းခဲ့ပါတယ်။

Ref: Aljazeera