ဇန်န၀ါရီ ၅၊ ၂၀၂၃
![](http://www.m-mediagroup.com/wp-content/uploads/2024/01/1000005541-1024x670.jpg)
M-Media
-ထိပ်တန်းဗိုလ်ချုပ် ကာစင် ဆိုလိုင်မာနီကွယ်လွန်တဲ့ နှစ်ပတ်လည် အခမ်းအနား တိုက်ခိုက်ခံရမှုကို လက်တုန့်ပြန်သွားမယ်လို့ အီရန်သမ္မတ အီဘရာဟင် ရိုင်စီက ကတိပြု ပြောကြားလိုက်ပါတယ်။
ဗုဒ္ဓဟူးနေ့က ဖြစ်ပွားခဲ့တဲ့ ဗုံးခွဲတိုက်ခိုက်မှု ၂ ခုကြောင့် အနည်းဆုံး ၈၉ ဦး သေဆုံးပြီး ၂၈၀ လောက် ဒဏ်ရာရရှိခဲ့ပါတယ်။ သေဆုံးသူတွေထဲမှာ အာဖဂန်နိုင်ငံသားတွေလည်း ပါ၀င်ပါတယ်။
တိုက်ခိုက်မှုကို သူတို့လုပ်တာလို့ IS အဖွဲ့က ထုတ်ပြန်ပါတယ်။
ဒီကနေ့ပြုလုပ်တဲ့ သေဆုံးသူတွေရဲ့ စျာပနအခမ်းအနားမှာ အီရန်သမ္မတ ရိုင်စီက တိုက်ခိုက်မှုအတွက် လက်တုန့်ပြန်သွားမှာဖြစ်ပြီး ကမ္ဘာကြီးနဲ့ ရန်သူတွေဟာ အီရန်ရဲ့ အင်အားနဲ့ လုပ်နိုင်စွမ်းကို မြင်တွေ့ရလိမ့်မယ်လို့ ပြောကြားခဲ့ပါတယ်။
တော်လှန်ရေးအစောင့်တပ်ဖွဲ့ အကြီးအကဲ ဟိုစိန် ဆလ်မာနီကလည်း ဘယ်နေရာမှာပဲဖြစ်နေပါစေ လက်တုန့်ပြန်တိုက်ခိုက်သွားမယ်လို့ ကြုံး၀ါးခဲ့ပါတယ်။
တော်လှန်ရေးအစောင့်တပ်ဖွဲ့ အကြီးအကဲ ကာစင် ဆိုလိုင်မာနီကို ၂၀၂၀ ခုနှစ်မှာ အမေရိကန်က လုပ်ကြံသတ်ဖြတ်ခဲ့တာ ဖြစ်ပါတယ်။
Ref: Aljazeera
Comments