အစ္စရေးသူလျှို ၁၅ ဦးကို အကျဥ်းချထားလိုက်တဲ့ တူရကီ

ဇန်န၀ါရီ ၇၊ ၂၀၂၃

M-Media

-အစ္စရေးအတွက် သူလျှိုလုပ်ပေးတယ်ဆိုတဲ့ သံသယနဲ့ ဖမ်းဆီးထားသူ ၃၄ ဦးထဲက ၁၅ ဦးကို တရားရုံးမတင်ခင် အကျဥ်းချထားလိုက်တယ်လို့ တူရကီက ထုတ်ပြန်ပါတယ်။ 

ဒီသူလျှိုတွေဟာ အစ္စရေးထောက်လှမ်းရေးအတွက် နိုင်ငံရးနဲ့  စစ်ရေး သူလျှိုလုပ်မှု၊ နိုင်ငံခြားသားတွေကို ပြန်ပေးဆွဲဖို့ စီစဥ်မှုတွေအတွက် ဖမ်းဆီးခဲ့တာလို့ တူရကီက ပြောပါတယ်။ 

အဲဒီအထဲက ၈ ဦးကို ပြည်နှင်ဒဏ်ပေးခဲ့ပြီး ၁၁ ဦးကို ခံ၀န်နဲ့ ပြန်လွှတ်ပေးထားတယ်လို့ တူရကီ တရားရေး၀န်ကြီး ယီလ်မဇ် တူနက်က ထုတ်ပြန်ပါတယ်။ 

၁၅ ဦးကိုတော့ တရားရုံးမတင်ခင် အကျဥ်းထောင်ထဲ ထိန်းသိမ်းထားပါတယ်။ 

အစ္စရေးထောက်လှမ်းရေးအဖွဲ့ မိုဆာ့ဒ်ဟာ တူရကီမှာ နေထိုင်နေတဲ့ ပါလက်စတိုင်းတွေနဲ့ ဆီးရီးယားနိုင်ငံသားတွေကို သူလျှိုလုပ်ဖို့ စုဆောင်းခဲ့ပြီး၊ ပါလက်စတိုင်းနိုင်ငံသားတစ်ချို့နဲ့ သူတို့ရဲ့ မိသားစုတွေကို ပြန်ပေးဆွဲဖို့ ကြံစည်ထားတယ်လို့ တရားရုံးမှတ်တမ်းတွေကို ကိုးကားပြီး တူရကီ ပြည်တွင်းမီဒီယာတွေက ဖော်ပြပါတယ်။ 

တူရကီထောက်လှမ်းရေးဟာ မြို့တော် အစ္စတန်ဘူလ်နဲ့ အခြားပြည်နယ် ၇ ခုက နေရာပေါင်း ၅၇ နေရာကို ၀င်ရောက်စီးနင်းကာ အစ္စရေး သူလျှိုတွေကို ဖမ်းဆီးခဲ့တာ ဖြစ်ပါတယ်။ 

Ref: Euro News