အစ္စရေး၏ လူမျိုးတုန်းသတ်ဖြတ်မှုနှင့်ပတ်သက်သည့် ဆုံးဖြတ်ချက်ကို ICJ က သောကြာနေ့တွင် ချမှတ်မည်

ဇန်န၀ါရီ ၂၄၊ ၂၀၂၄
M-Media 

-ပါလက်စတိုင်းပိုင်နက်တွေမှာ အစ္စရေးက လူမျိုးတုန်းသတ်ဖြတ်မှု ကျူးလွန်နေတယ်ဆိုတဲ့ တောင်အာဖရိကရဲ့ တိုင်ကြားချက်နဲ့ ပတ်သက်ပြီး နိုင်ငံတကာ ခုံသမာဓိရုံး ICJ က သောကြာနေ့မှာ ဆုံးဖြတ်ချက်တစ်ခု ချမှတ်ဖို့ ရှိနေပါတယ်။ 

ဂါဇာကမ်းမြှောင်က အစ္စရေးရဲ့ လုပ်ရပ်တွေဟာ ဂျီနီဗာကွန်ဗန်းရှင်းနဲ့ နိုင်ငံတကာ ဥပဒေတွေကို ချိုးဖောက်ကာ လူမျိုးတုန်းသတ်ဖြတ်မှုအထိ ဖြစ်လာနေတယ်လို့ တောင်အာဖရိကက ယူဆတဲ့အတွက် ICJ ကို တိုင်ကြားခဲ့တာဖြစ်ပါတယ်။ 

ပြီးခဲ့တဲ့တစ်ပတ်က နှစ်ဖက်လျှောက်လဲမှုတွေကို တရားသူကြီးတွေက ကြားနာပြီး အခုတစ်ပတ် သောကြာနေ့မှာ ဆုံးဖြတ်ချက်တစ်ခု ချမှတ်ဖို့ ရှိနေတာပါ။ 

တောင်အာဖရိကရဲ့ တင်ပြချက်တွေဟာ ခိုင်လုံတယ်လို့ ယူဆရင် ဂါဇာက အစ္စရေးရဲ့ တိုက်ခိုက်မှုတွေ ရပ်တန့်ဖို့ ICJ က ဆုံးဖြတ်လာနိုင်ပါတယ်။ 

သောကြာနေ့ရုံးချိန်းကို တောင်အာဖရိက နိုင်ငံခြားရေး၀န်ကြီး နာလီဒီ ပန်ဒါ တက်ရောက်မှာဖြစ်ပါတယ်။ 

အရှေ့ဥရောပက ဂျူးတွေ တရားမ၀င် ၀င်လာပြီး လက်နက်ကိုင်အဖွဲ့ ဖွဲ့စည်းက ပါလက်စတိုင်းတွေကို သတ်ဖြတ်မောင်းထုတ်ပြီးနောက် ၁၉၄၈ ခုနှစ်မှာ ပေါ်ပေါက်လာတဲ့ အစ္စရေးနိုင်ငံဟာ နိုင်ငံတကာ ဥပဒေတွေ၊ ဆုံးဖြတ်ချက်တွေကို လေးစားလိုက်နာလေ့ မရှိပါဘူး။ 

Ref: Aljazeera