ခြစားမှုဖြင့် ထောင်ကျနေသည့် မလေး၀န်ကြီးချုပ်ဟောင်း ပြစ်ဒဏ်တစ်၀က် လွတ်ငြိမ်းခွင့်ရ

ဖေဖော်၀ါရီ ၂၊ ၂၀၂၄

M-Media 

-ခြစားမှုနဲ့ ထောင်ချခံထားရတဲ့ ၀န်ကြီးချုပ်ဟောင်း နာဂျစ် ရာဇတ်ရဲ့ ပြစ်ဒဏ်ကို ထက်၀က်လျှော့ချပေးလိုက်တယ်လို့ မလေးရှား အယူခံခုံရုံးက ဒီကနေ့မှာ ထုတ်ပြန်ကြေငြာပါတယ်။ 

နာဂျစ်ဟာ ထောင်ဒဏ် ၁၂ နှစ် ချမှတ်ခံထားရတာဖြစ်ပြီး အခုလွတ်ငြိမ်းချမ်းသာခွင့်ကြောင့် ၆ နှစ်သာ ပြစ်ဒဏ်ကျခံရတော့မှာပါ။ 

ထောင်ထဲမှာ ၂ နှစ်ကျော် ရှိနေပြီဖြစ်တဲ့ နာဂျစ်ဟာ ၂၀၂၈ ခုနှစ် သြဂုတ်လမှာ ပြန်လည်လွတ်မြောက်လာမှာ ဖြစ်ပါတယ်။ နာဂျစ်အပေါ် ချမှတ်ထားတဲ့ ဒဏ်ကြေး ရင်းဂစ် သန်း ၂၁၀ ကိုလည်း သန်း ၅၀ အထိ အယူခံခုံရုံးက လျှော့ပေးခဲ့ပါတယ်။ 

ဒဏ်ကြေး ပေးဖို့ပျက်ကွက်ရင် နောက်ထပ် ထောင်ဒဏ်တစ်နှစ် ကျခံရမှာဖြစ်ပါတယ်။ 

နာဂျစ်ဟာ ၀န်ကြီးချုပ်တာ၀န်ထမ်းဆောင်ချိန် နိုင်ငံပိုင် ရင်းနှီးမြှုပ်နှံမှုလုပ်ငန်း 1MDB က ငွေကြေးတွေကို အလွဲသုံးစားလုပ်မှုအတွက် အာဏာလက်လွတ်သွားတဲ့အချိန် ဖမ်းဆီး တရားစွဲဆိုခံခဲ့ရတာ ဖြစ်ပါတယ်။ 

မလေးရှားဘုရင် ဦးဆောင်တဲ့ အယူခံဘုတ်အဖွဲ့ဟာ ဇန်န၀ါရီလ ၂၉ ရက်နေ့မှာ တွေ့ဆုံဆွေးနွေးပြီး နာဂျစ်ရဲ့ပြစ်ဒဏ်ကို လျှော့ချပေးခဲ့တာ ဖြစ်ပါတယ်။ 

Ref: CNA