အီရန်နိုင်ငံခြားရေး၀န်ကြီး ပါလက်စတိုင်း လွတ်မြောက်ရေးခေါင်းဆောင်များနှင့် တွေ့ဆုံမည်

ဖေဖော်၀ါရီ ၉၊ ၂၀၂၄

M-Media 

-အီရန်နိုင်ငံခြားရေး၀န်ကြီး ဟိုစိန် အမီရဘ် အဘ်ဒိုလာဟင်ဟာ လက်ဘနွန်နိုင်ငံကို ဖေဖော်၀ါရီ ၉ ရက်နေ့မှာ ထွက်ခွာသွားခဲ့ပြီး ဒေသတွင်း လွတ်မြောက်ရေးခေါင်းဆောင်တွေနဲ့ တွေ့ဆုံမယ်လို့ သိရပါတယ်။ 

အဓိကအားဖြင့် ပါလက်စတိုင်း လွတ်မြောက်ရေးအဖွဲ့ ဟားမက်စ် ခေါင်းဆောင်ပိုင်း၊ လက်ဘနွန်က ဟစ်ဇ်ဘိုလာအဖွဲ့ ခေါင်းဆောင်ပိုင်တွေနဲ့ တွေ့ဆုံကာ အစ္စရေးရဲ့ နယ်မြေ ကျူးကျော် သိမ်းပိုက်မှုတွေ၊ အကြမ်းဖက် သတ်ဖြတ်မှုတွေကို တုန့်ပြန်ရေး ဆွေးနွေးမှာ ဖြစ်ပါတယ်။ 

နို၀င်ဘာလတုန်းကလည်း အလားတူဆွေးနွေးပွဲမျိုး လုပ်ဆောင်ခဲ့ပြီး အစ္စရေးရဲ့ အကြမ်းဖက်မှုတွေ မရပ်တန့်ရင် တင်းမာမှုတွေ ပိုမို ကျယ်ပြန့်လာလိမ့်မယ်လို့ အီရန်က သတိပေးခဲ့ပါတယ်။ 

အီရန်ဟာ ဟစ်ဇ်ဘိုလာကို ကျောထောက်နောက်ခံပေးထားပြီး၊ ပါလက်စတိုင်းလွတ်မြောက်ရေးအတွက်လည်း ပြတ်ပြတ်သားသား ထောက်ခံကူညီနေတဲ့နိုင်ငံ ဖြစ်ပါတယ်။ 

Ref: Aljazeera