အစ္စရေးကို ရှုတ်ချရုံသာ တတ်နိုင်သည့် အာရပ်လိဂ်

ဖေဖော်၀ါရီ ၁၃၊ ၂၀၂၄

M-Media 

-ပါလက်စတိုင်းတွေကို အကြမ်းဖက်သတ်ဖြတ် မောင်းထုတ်ပြီး နယ်မြေလုတဲ့ အစ္စရေးကို အာရပ်လိဂ်အကြီးအကဲက အဟ်မဒ် အဘူလ် ဂစ်က ရှုတ်ချ ပြောဆိုလိုက်ပါတယ်။ 

အနာဂတ် ပါလက်စတိုင်းနိုင်ငံအဖြစ် ပါလက်စတိုင်းတွေ သတ်မှတ်ထားတဲ့ နယ်မြေတွေကို အစ္စရေးစစ်တပ်က သိမ်းပိုက်ဖို့ ကြိုးစားနေတယ်လို့ အဘူလ်ဂစ်က ဒူဘိုင်းမှာ ပြုလုပ်တဲ့ ကမ္ဘာ့အစိုးရများ အစည်းအ၀ေးမှာ ပြောပါတယ်။ 

ဂါဇာကမ်းမြှောင်နဲ့ အနောက်ဖက်ကမ်းက နယ်မြေတွေကို အစ္စရေးက သိမ်းပိုက်တာ၊ ပါလက်စတိုင်းတွေကို မောင်းထုတ်တာတွေနဲ့ ပတ်သက်ပြီးလည်း သူက သတိပေးပါတယ်။ 

“ဒီမူ၀ါဒတွေကို ရပ်တန့်ရေး အမေရိကန်က အမိန့်ပေးဖို့ လိုပါတယ်။ ဒီလိုမှမဟုတ်ရင် အရှေ့အလယ်ပိုင်းဟာ မကြုံစဖူးအနေအထားနဲ့ ပေါက်ကွဲထွက်လာပါလိမ့်မယ်” 

ပါလက်စတိုင်းပိုင်နက်တွေက တရားမ၀င် အခြေချအိမ်ယာတွေကို ရှင်းလင်းဖို့လည်း အဘူလ်ဂစ်က အစ္စရေးကို တိုက်တွန်းပြောဆိုခဲ့ပါတယ်။ 

၂၀၂၃ ခုနှစ် အောက်တိုဘာ ၇ ရက်နေ့ ဂါဇာမှာစတင်တဲ့ အစ္စရေးရဲ့ တစ်ကျော့ပြန် လူသတ်ပွဲအတွင်း အသတ်ခံရသူ အရေအတွက်ဟာ ၂၈၀၀၀ ကျော်လာခဲ့ပြီ၊ ကမ်းမြှောင်တစ်ခုလုံးက အဆောက်အဦးတွေရဲ့ ၈၀ ရာခိုင်နှုန်းကျော်လည်း ဖျက်ဆီးခံထားရပါတယ်။ 

Ref: Aljazeera