၁၂ နှစ်အတွင်း ပထမဆုံး အပူလှိုင်းဖြတ်မယ့် မလေးရှား

ဖေဖော်၀ါရီ ၂၅၊ ၂၀၂၄

M-Media 

-နိုင်ငံမြောက်ပိုင်း ပြည်နယ်တစ်ချို့မှာ ဖေဖော်၀ါရီ ၂၅ ရက်နေ့ကစပြီး အပူလှိုင်းဖြတ်မယ်လို့ မလေးရှား မိုးလေ၀သဌာနက သတိပေးချက်ထုတ်ပြန်ထားပါတယ်။ 

ကဒါ့ပြည်နယ်က ပဲရ်လစ်၊ လန်ကာ၀ီ၊ ကူဘန်ပါဆူ၊ ကိုတာ ဆတာရ်၊ ပိုကော့ ဆနာ၊ ပန်ဒန်၊ ဘာလင်း၊ စစ်က်နဲ့ ပါဒန် တရက်မြို့တွေ၊ ပဲရက်ပြည်နယ်က ကွာလာကန်ဆာမြို့၊ ပီနန်ပြည်နယ်က စန်ထရဲ စဘရန် ပရိုင်းမြို့တွေမှာ အဆင့် ၁ အပူလှိုင်း ဖြတ်မှာဖြစ်ပါတယ်။ 

၃ ရက်တာကြာမြင့်မယ့် အပူလှိုင်းအတွင်း အပူချိန်ဟာ ၃၅ ဒီဂရီကနေ ၃၇ ဒီဂရီ စင်တီဂရိတ်အထိ ရှိလိမ့်မယ်လို့ မလေးရှားမိုးလေ၀သဌာနရဲ့ ထုတ်ပြန်ချက်မှာ ဖော်ပြထားပါတယ်။ 

မလေးရှားမှာ ၁၂ နှစ်အတွင်း ပထမဆုံးအကြိမ် အဆင့် ၁ အပူလှိုင်း ဖြတ်မှာပါ။ မလေးရှားနိုင်ငံမြောက်ပိုင်းမှာ မတ်လကစတင်ကာ မိုးရာသီကုန်ဆုံးပြီး နွေရာသီ၀င်မှာဖြစ်ပါတယ်။ 

Ref: The Star