မလေးရှားတွင် ကန်ဒေါ်လာ ၂ ဘီလီယံကျော်ဖို့ Tiktok က ရင်းနှီးမြှုပ်နှံမည်

ဇွန် ၈၊ ၂၀၂၄

M-Media

-မလေးရှားကို ဒေသတွင်း ဉာဏ်ရည်တုနည်းပညာ (AI) အချက်အခြာနေရာ ဖြစ်လာရေး Tiktok ရဲ့ မိခင်ကုမ္ပဏီ ByteDance က ရင်းဂစ် ၁၀ ဘီလီယံဖိုး (ဒေါ်လာ ၂ ဒဿမ ၃ ဘီလီယံ) ရင်းနှီးမြှုပ်နှံသွားမယ်လို့ သိရပါတယ်။ 

ကမ္ဘာ့နည်းပညာကုမ္ပဏီတွေဟာ အရှေ့တောင်အာရှဒေသအတွင်း အပြိုင်အဆိုင် ရင်းနှီးမြှုပ်နှံမှုတွေ ပြုလုပ်လာကြတာ ဖြစ်ပါတယ်။ 

ByteDance ဟာ သီးခြားရင်းနှီးမြှုပ်နှံမှုတစ်ခုအဖြစ် မလေးရှားနိုင်ငံ ဂျိုဟိုးပြည်နယ်မှာ ရင်းဂစ် ၁ ဒဿမ ၅ ဘီလီယံ တန်ဖိုးရှိမယ့် ဒေတာစင်တာတွေ တည်ဆောက်ဖို့ အစီအစဥ်တစ်ခုလည်း ရှိနေတယ်လို့ မလေးရှား ရင်းနှီးမြှုပ်နှံမှု၀န်ကြီး တွန်ကူ ဇာဖရူလ် အဇစ်က ပြောပါတယ်။ 

“၂၀၂၅ ခုနှစ်ရောက်ရင် မလေးရှား ဂျီဒီပီရဲ့ ၂၂ ဒဿမ ၆ ရာခိုင်နှုန်းဟာ ဒစ်ဂျစ်တယ်စီးပွားရေး ဖြစ်ရမယ်ဆိုတဲ့ ကျွန်တော်တို့ရဲ့ ရည်မှန်းချက်ကို ByteDance ရဲ့ ထပ်တိုးရင်းနှီးမြှုပ်နှံမှုက အကူအညီဖြစ်စေမှာ အသေအချာပါပဲ”

ဂူးဂဲလ်နဲ့ မိုက်ခရိုဆော့ဖ်တို့ကလည်း ဉာဏ်ရည်တုနဲ့ ဒေတာစင်တာတွေအတွက် မလေးရှားမှာ ဒေါ်လာ ၂ ဘီလီယံကျော်စီ ရင်းနှီးမြှုပ်နှံမယ်လို့ ပြီးခဲ့တဲ့ မေလမှာ ထုတ်ပြန်ကြေငြာခဲ့ပါတယ်။ 

Ref: Reuters