ပါလက်စတိုင်းများကို လူသားတံတိုင်းအဖြစ် အစ္စရေးက အသုံးပြုနေ

ဇွန် ၂၂၊ ၂၀၂၄
M-Media 

-ပါလက်စတိုင်းနိုင်ငံ အနောက်ဖက်ကမ်းဒေသက မြို့တစ်မြို့ကို ၀င်ရောက်စီးနင်းခဲ့တဲ့ အစ္စရေးစစ်တပ်ဟာ ပါလက်စတိုင်းတစ်ဦးကို လူသားတံတိုင်းအဖြစ် အသုံးပြုခဲ့တာကို ဒေသခံတွေက မှတ်တမ်းရယူနိုင်ခဲ့ပါတယ်။ 

ဇွန်လ ၂၁ ရက်နေ့မှာ ဂျီနင်မြို့က အနည်းဆုံး အိမ်နှစ်အိမ်ကို အစ္စရေးစစ်တပ်က ၀င်ရောက်စီးနင်း ရှာဖွေခဲ့ပြီး လူအများအပြားကို ဖမ်းဆီးသွားခဲ့ပါတယ်။ 

စီးနင်းမှုအပြီး ပြန်ထွက်သွားချိန်မှာ ဒဏ်ရာရထားတဲ့ ပါလက်စတိုင်းတစ်ဦးကို စစ်ကားအရှေ့ဘောနက်မှာ ကြိုးနဲ့တုပ်ပြီး ခေါ်ဆောင်သွားခဲ့ပါတယ်။

သွေးတွေရွှဲနစ်နေပြီး နာကျင်မှု၀ေဒနာကို ခံစားနေရတဲ့ လူတစ်ယောက်ကို ဒီလို ခေါ်ဆောင်သွားတာဟာ လူသားတံတိုင်းအဖြစ် အသုံးပြုတာကလွဲပြီး တစ်ခြားအကြောင်းအရင်း မရှိဘူးလို့ ပါလက်စတိုင်းအရေး စောင့်ကြည့်နေသူတွေက ပြောပါတယ်။ 

ပါလက်စတိုင်းပိုင်နက်တွေမှာ အစ္စရေးဟာ ဒီလုပ်ရပ်မျိုးကို အရင်တုန်းကလည်း အကြိမ်ပေါင်းများစွာ လုပ်ဆောင်ခဲ့ပါတယ်။

Ref: Aljazeera