ပါလက်စတိုင်း ဓားစားခံတွေကို အစ္စရေးက ဘယ်လို နှိပ်စက်သတ်ဖြတ်သလဲ

ဇူလိုင် ၁၊ ၂၀၂၄

M-Media 

– အစ္စရေးဟာ ထောင်နဲ့ချီတဲ့ ပါလက်စတိုင်းပြည်သူတွေကို ဓားစားခံတွေအဖြစ် ဖမ်းဆီးချုပ်နှောင်ထားစဥ်အတွင်း ညှင်းဆဲတာ၊ သတ်ဖြတ်တာတွေ လုပ်ဆောင်ခဲ့ကြောင်း ပြန်လည်လွတ်မြောက်လာတဲ့ အလ်ရှီဖာဆေးရုံအုပ် မိုဟာမက် အဘူ ဆလ်မီယာက သတင်းထောက်တွေကို ပြောကြားခဲ့ပါတယ်။ 

အစ္စရေးဟာ ဓားစားခံအဖြစ် ဖမ်းဆီးထားတဲ့ ပါလက်စတိုင်းတွေထဲက ၅၅ ဦးကို ဇူလိုင် ၁ ရက်နေ့ မနက်ပိုင်းမှာ လွှတ်ပေးခဲ့ပြီး အဲဒီအထဲမှာ အဘူ ဆလ်မီယာ ပါ၀င်လာပါတယ်။ ဖမ်းဆီးထားတဲ့ ပါလက်စတိုင်းဓားစာခံတွေကို အစ္စရေးက စစ်ကြောရေးမှာ ညှင်းဆဲသတ်ဖြတ်တာ၊ နှိပ်စက်တာတွေအကြောင်းကို အဘူ ဆလ်မီယာနဲ့ ပြန်လည်လွတ်မြောက်လာသူတွေက ဖွင့်ဟ ပြောကြားခဲ့ပါတယ်။ 

“ပါလက်စတိုင်း ဓားစားခံတွေအားလုံး ညှင်းပမ်းနှိပ်စက်ခံနေရပါတယ်။ ကျွန်တော်ထွက်လာတဲ့အချိန် သူတို့အခြေအနေဟာ တော်တော်ဆိုးရွားနေပါတယ်”

ဖမ်းဆီးခံထားရတဲ့ ပါလက်စတိုင်းအမြောက်အများ စစ်ကြောရေးမှာ အသတ်ခံခဲ့ရသလို၊ အလောင်းတွေကိုလည်း ရိုင်းရိုင်းဆိုင်းဆိုင်း ပြုမူလုပ်ဆောင်တာတွေ ရှိတယ်လို့ အဘူ ဆလ်မီယာက ပြောပါတယ်။ 

အလ်ရှီဖာဆေးရုံက ဖမ်းဆီးသွားတဲ့ ဆရာ၀န်တွေ၊ သူနာပြုတွေကို အစ္စရေးတပ်ဖွဲ့တွေက ညှင်းဆဲကြပြီး၊ အစာရေစာ ဖြတ်တောက်တာတွေလည်း လုပ်ဆောင်တယ်လို့ သူက ဆိုပါတယ်။ 

ပြီးခဲ့တဲ့နှစ် အောက်တိုဘာ ၇ ရက်နေ့ ဟားမက်စ်က အစ္စရေးထဲ ၀င်ရောက်တိုက်ခိုက်မှု မလုပ်ခင်ကတည်းက အစ္စရေးဟာ ပါလက်စတိုင်းထောင်ပေါင်းများစွာကို ဓားစားခံအဖြစ် ဖမ်းဆီးနှိပ်စက်ခဲ့တာ ဖြစ်ပါတယ်။ 

အစ္စရေးတပ်ဖွဲ့တွေဟာ အချုပ်ခန်းတွေထဲကို နေ့စဥ်လိုလို ၀င်ရောက်စီးနင်း ရိုက်နှက် နှိပ်စက်တာတွေ ရှိကြောင်းလည်း အလ်ရှီဖာ ဆေးရုံအုပ်က ဖွင့်ဟခဲ့ပါတယ်။ ဓားစားခံတွေဟာ တစ်နေ့ကို ပါမုန့်တစ်လုံးသာ စားရပြီး၊ ဓားစားခံတိုင်းဟာ တစ်ယောက်ကို အနည်းဆုံး ၆၆ ပေါင်လောက် ကိုယ်အလေးချိန် ကျဆင်းသွားကြတယ်လို့ အဘူ ဆလ်မီယာက ဆိုပါတယ်။ 

အစ္စရေးက တိုက်ခိုက်ဖျက်ဆီးခဲ့တဲ့ အလ်ရှီဖာဆေးရုံကို ပြန်လည်တည်ဆောက် သွားမှာဖြစ်ကြောင်း သူက ကတိပြုခဲ့ပါတယ်။ 

“အလ်ရှီဖာဆေးရုံကို ပြန်လည်တည်ဆောက်သွားမယ်။ ဂါဇာပြည်သူတွေသာမကဘဲ ပါလက်စတိုင်းပြည်သူအားလုံးအတွက် အားကိုးအားထားပြုရာ ပြန်ဖြစ်လာအောင် လုပ်ဆောင်သွားပါမယ်။ ကျွန်တော် နေပြန်ကောင်းတာနဲ့ တာ၀န်တွေကို အမြန်ဆုံး ထမ်းဆောင်သွားမှာပါ”

၉ လတာ ကြာမြင့်နေပြီဖြစ်တဲ့ ဂါဇာက အစ္စရေးရဲ့ တစ်ကျော့ပြန်လူသတ်ပွဲအတွင်း ဆေးရုံ၊ ဆေးခန်းအားလုံးနီးပါးကို အစ္စရေးက တိုက်ခိုက်ဖျက်ဆီးထားပါတယ်။ 

Ref: Aljazeera