ဇူလိုင် ၅၊ ၂၀၂၄
M-Media
![](http://www.m-mediagroup.com/wp-content/uploads/2024/07/brain.jpg)
-ဓာတ်ခွဲခန်းထွက် ဦးနှောက်တု အသုံးပြုထားတဲ့ စက်ရုပ်တစ်ရုပ်ကို တရုတ်သိပ္ပံပညာရှင်တွေက အောင်မြင်စွာ ဖန်တီးနိုင်ခဲ့ပါတယ်။
တရုတ်နိုင်ငံက Tianjin တက္ကသိုလ်နဲ့ တောင်ပိုင်း နည်းပညာ တက္ကသိုလ်က ပညာရှင်တွေရဲ့ ပူးပေါင်းဆောင်ရွက်မှု အသီးအပွင့်လည်း ဖြစ်ပါတယ်။
လူ့ဦးနှောက်ပုံစံ ဦးနှောက်တုငယ်တစ်ခုကို ဓာတ်ခွဲခန်းထဲမှာ ဖန်တီးကာ အီလက်ထရောနစ် ချစ်ပ်ပြားနဲ့ စွမ်းအင်ပေးပြီး စက်ရုပ်ကို ထိန်းကြောင်းစေတာပါ။ ဒီနည်းပညာကို Brain-on-chip လို့ အမည်ပေးထားပါတယ်။
စက်ရုပ်ဟာ အရာ၀တ္ထုတွေကို မကျအောင် ကိုင်တာ၊ အတားအဆီးတွေကို ရှောင်ပြီးသွားတာလို လုပ်ဆောင်ချက်တွေကို အောင်မြင်စွာ လုပ်ဆောင်နိုင်ခဲ့တယ်လို့ Tianjin ရဲ့ ထုတ်ပြန်ချက်မှာ ဖော်ပြပါတယ်။
တရုတ်ပညာရှင်တွေကတော့ အခုအောင်မြင်မှုကနေတစ်ဆင့် လူသား-စက်ရုပ် ပေါင်းစပ်အသိဉာဏ်တစ်မျိုးကို ဖန်တီးနိုင်လိမ့်မယ်လို့ ယုံကြည်နေပါတယ်။
အခုတီထွင်မှုဟာ လူ့ဦးနှောက်နဲ့ အီလက်ထရောနစ်ချစ်ပ်ပြား ပေါင်းစပ်ထားတဲ့ ကမ္ဘာ့ပထမဆုံး စနစ်ဖြစ်ပြီး လူ့ဦးနှောက်လို ကွန်ပျူတာစနစ်မျိုး ဖန်တီးနိုင်ဖို့အတွက် ခြေလှမ်းတစ်ခုဖြစ်တယ်လို့လည်း တရုတ်ပညာရှင်တွေက ပြောပါတယ်။
ဓာတ်ခွဲခန်းထဲမှာ ဖန်တီးတဲ့ လူ့ဦးနှောက်တုတွေဟာ အာရုံကြောဆိုင်ရာ ရောဂါတွေ၊ ဦးနှောက်ထိခိုက်မှု ကုသမှုတွေမှာ ထိထိရောက်ရောက် အသုံးပြုနိုင်တဲ့ ကြားခံတစ်ခုဖြစ်ပါတယ်။ ဒါပေမယ့် လူ့ဦးခေါင်းထဲမှာ ထည့်သွင်းကုသနိုင်လောက်တဲ့အထိ ဖွံ့ဖြိုးတိုးတက်လာမှုတော့ မရှိသေးပါဘူး။
Ref: Interesting Engineering
Comments