၉ လအတွင်း ဂါဇာတွင် ကလေးငယ် ၁၆၀၀၀ ကျော် အသတ်ခံရ

ဇူလိုင် ၁၃၊ ၂၀၂၄
M-Media

-ပြီးခဲ့တဲ့နှစ် အောက်တိုဘာလက စတင်တဲ့ ဂါဇာက အစ္စရေးရဲ့ တစ်ကျော့ပြန်လူသတ်ပွဲအတွင်း သေဆုံးခဲ့တဲ့ ပါလက်စတိုင်းကလေးငယ် အရေအတွက်ဟာ ၁၆၀၅၄ ဦး ရှိလာပြီလို့ သိရပါတယ်။

အဲဒီအထဲမှာ ၃၄ ဦးက အစာရေစာ ပြတ်လပ်မှုကြောင့် သေဆုံးခဲ့ရတာပါ။ ၉ လအတွင်း ဂါဇာမှာ အသတ်ခံရတဲ့ အမျိုးသမီးအရေအတွက်ဟာ အနည်းဆုံး ၁၀၇၀၀ ဦး ရှိပါတယ်။

၄ နှစ်အတွင်း ကမ္ဘာတစ်၀ှမ်းမှာဖြစ်ပွားတဲ့ စစ်ပွဲတွေ၊ ပဋိပက္ခတွေမှာ သေဆုံးတဲ့ ကလေးအရေအတွက်ထက် ၉ လအတွင်း ဂါဇာမှာ အစ္စရေးရဲ့ သတ်ဖြတ်မှုကို ခံရတဲ့ ကလေးငယ်အရေအတွက်က ပိုမိုများပြားပါတယ်။

ဂါဇာမှာ စုစုပေါင်း အစ္စရေးရဲ့ သတ်ဖြတ်မှုကိုခံရသူအရေအတွက်ဟာ ၉ လအတွင်း ၃၈၃၄၅ ဦး ရှိပါတယ်။ ပျက်ဆီးပြိုကျနေတဲ့ အဆောက်အဦးတွေအောက်မှာ ပိတ်မိပျောက်ဆုံးနေသူ အရေအတွက်က ၁၀၀၀၀ လောက် ရှိနေပါတယ်။

Ref: Aljazeera