ဂါဇာက စာသင်ကျောင်းတစ်ခုကို အစ္စရေးက အကြမ်းဖက်တိုက်ခိုက်၊ ၃၀ ထက်မနည်း သေဆုံး

ဇူလိုင် ၂၇၊ ၂၀၂၄
M-Media

-ဂါဇာကမ်းမြှောင်တောင်ပိုင်း ခန်ယူနစ်မြို့မှာရှိတဲ့ ‘ခါဒီဂျာ’ စာသင်ကျောင်းကို အစ္စရေးက ဇူလိုင် ၂၇ ရက်နေ့ မနက်ပိုင်းမှာ လေကြောင်းကနေ အကြမ်းဖက်တိုက်ခိုက်ခဲ့ပြီး အနည်းဆုံး လူ ၃၀ သေဆုံးခဲ့ပါတယ်။

စာသင်ကျောင်းမှာ စစ်ရှောင်တွေ အဓိကခိုလှုံနေတာဖြစ်ပြီး စာသင်ကျောင်းအတွင်းက ယာယီဆေးခန်းကို အစ္စရေးက ဒုံးကျည် ၃ လုံးနဲ့ တိုက်ခိုက်ခဲ့တာပါ။ တိုက်ခိုက်မှုကြောင့် ဒဏ်ရာရရှိသူ ၁၀၀ ကျော် ရှိပါတယ်။

ပြီးခဲ့တဲ့နှစ် အောက်တိုဘာ ၇ ရက်နေ့က စတင်တဲ့ ဂါဇာက အစ္စရေးရဲ့ တစ်ကျော့ပြန်လူသတ်ပွဲမှာ အသတ်ခံရသူ အရေအတွက်ဟာ ၃၉၂၅၈ ဦး ရှိလာပြီဖြစ်ပါတယ်။

အစ္စရေးဟာ စာသင်ကျောင်း၊ ဆေးရုံ၊ စစ်ရှောင်စခန်းတွေပါမကျန် မြင်မြင်သမျှကို အကြမ်းဖက်တိုက်ခိုက်နေတာဖြစ်ပါတယ်။

Ref: Aljazeera

(ဓာတ်ပုံ – ခါဒီဂျာ စာသင်ကျောင်း တိုက်ခိုက်ခံရပြီးနောက် မြင်ကွင်း)