ဂျပန်တွင် ငလျင်ကြီးတစ်ခု လှုပ်ခတ်မည့် စိုးရိမ်မှု မြင့်တက်လာ

သြဂုတ် ၁၀၊ ၂၀၂၄
M-Media

-ဂျပန်နိုင်ငံတောင်ပိုင်းမှာ ပြင်းအား ၇ ဒဿမ ၁ ရှိတဲ့ ငလျင်တစ်ခု ကြာသာပတေးနေ့က လှုပ်ခတ်သွားပြီးတဲ့နောက် နောက်ထပ် ငလျင်ကြီးတစ်ခု လှုပ်ခတ်လာနိုင်တယ်ဆိုတဲ့ စိုးရိမ်မှု မြင့်တက်လာပါတယ်။

မီဒီယာတွေက ငလျင်သတင်းဖော်ပြမှုနောက်ဆက်တွဲ အခြေခံလူသုံးကုန်နဲ့ စားသောက်ကုန်တွေကို ပြည်သူတွေ အလုအယက် ၀ယ်ယူလာကြတာကြောင့် ပြတ်လပ်မှုတွေလည်း ဖြစ်ပေါ်လာပါတယ်။

အာဏာပိုင်တွေက ဒီလို အလုအယက်၀ယ်ယူမှုကို သတိပေးထားပြီး သောက်ရေလို အရေးကြီးတဲ့ ပစ္စည်းတွေကို ခွဲတမ်းစနစ်နဲ့ ရောင်းချတာမျိုးတွေ လုပ်ဆောင်လာပါတယ်။

ပစိဖိတ်သမုဒ္ဒရာက မြေလွှာချပ်ကြီး နှစ်ခုဆုံရာ ဂျပန်တောင်ပိုင်း နန်ကိုင်ဒိုဒေသဟာ ငလျင်ကြီးတွေ ပုံမှန် လှုပ်လေ့ရှိတဲ့ ဒေသဖြစ်ပါတယ်။ နှစ် ၁၀၀ ကနေ ၂၀၀ အတွင်းမှာ နည်းဆုံး ၈ ကြိမ်၊ ၉ ကြိမ်လောက် လှုပ်လေ့ရှိတတ်ပြီး လာမယ့် နှစ်ပေါင်း ၃၀ အတွင်း ငလျင်ကြီးတစ်ခု ထပ်လှုပ်လိမ့်မယ်လို့ ပညာရှင်တွေက ခန့်မှန်းထားတာ ဖြစ်ပါတယ်။

Ref: CNA