မလေးရှားနှင့် အိန္ဒိယတို့ နှစ်နိုင်ငံပူးပေါင်းဆောင်ရွက်မှု တိုးမြှင့်မည်

သြဂုတ် ၂၀၊ ၂၀၂၄
M-Media

-ကာကွယ်ရေးပစ္စည်း ထုတ်လုပ်မှုလုပ်ငန်း၊ ဉာဏ်ရည်တု၊ ကွန်ပျူတာချစ်ပ်၊ ဒစ်ဂျစ်နည်းပညာ စတဲ့ နယ်ပယ်တွေမှာ ပူးပေါင်းဆောင်ရွက်မှုတွေ တိုးမြှင့်လုပ်ဆောင်သွားဖို့ မလေးရှားနဲ့ အိန္ဒိယခေါင်းဆောင်တွေက သဘောတူ လက်မှတ်ရေးထိုးခဲ့ကြပါတယ်။

မလေးရှား၀န်ကြီးချုပ် အန်၀ါရ် အီဘရာဟင်ဟာ အိန္ဒိယနိုင်ငံကို အလည်အပတ် ရောက်ရှိနေပြီး အိန္ဒိယ၀န်ကြီးချုပ် မိုဒီနဲ့ သြဂုတ်လ ၂၀ ရက်နေ့မှာ တွေ့ဆုံခဲ့ပါတယ်။

ခေါင်းဆောင်နှစ်ဦးဟာ သဘောတူညီချက် ၈ ခုကို လတ်မှတ်ရေးထိုးခဲ့ပြီး အိန္ဒိယလုပ်သားတွေကို မလေးရှားက ပိုမိုခေါ်ယူခန့်ထားရေး၊ နှစ်နိုင်ငံ ဒစ်ဂျစ်တယ်ငွေပေးချေမှု ချိတ်ဆက်ဆောင်ရွက်ရေးတွေလည်း ပါ၀င်ပါတယ်။

ပြီးခဲ့တဲ့နှစ်က နှစ်နိုင်ငံ ကုန်သွယ်မှုတန်ဖိုးဟာ ဒေါ်လာ သန်းပေါင်း ၅ ထောင် ရှိပါတယ်။ အစိုးရစာရင်းတွေအရ မလေးရှားမှာ အိန္ဒိယနိုင်ငံက ကျွမ်းကျင်နဲ့ အခြေခံလုပ်သား စုစုပေါင်း ၁၈၅၀၀၀ လောက် ရှိနေပါတယ်။

Ref: Hindustan Times